Widgets Magazine

పరప్పన జైలులో యూనిఫామ్ వేసుకోని శశికళ, ఇళవరసి..

అక్రమాస్తుల కేసులో జైలు జీవనం గడుపుతున్న చిన్నమ్మ శశికళ మళ్లీ వార్తల్లోకెక్కింది. బెంగళూరులోని పరప్పన అగ్రహార జైలులో ఆదాయానికి మించిన ఆస్తుల కేసులో శిక్ష అనుభవిస్తున్న శశికళ.. జైలులో వుండట్లేదని హ్యాప

parappana agrahara jail
selvi| Last Updated: సోమవారం, 12 మార్చి 2018 (12:26 IST)
అక్రమాస్తుల కేసులో జైలు జీవనం గడుపుతున్న చిన్నమ్మ మళ్లీ వార్తల్లోకెక్కింది. బెంగళూరులోని పరప్పన అగ్రహార జైలులో ఆదాయానికి మించిన ఆస్తుల కేసులో శిక్ష అనుభవిస్తున్న శశికళ.. జైలులో వుండట్లేదని హ్యాపీగా షాపింగ్‌కు వెళ్తూ షికార్లు చేస్తుందని గతంలో వార్తలొచ్చిన సంగతి తెలిసిందే. తాజాగా వీకే శశికళ, ఆమె బంధువు ఇళవరసి ఖైదీల యూనిఫాం ధరించడం లేదని నేషనల్ కమిషన్ ఫర్ ఉమన్ ఛైర్ పర్సన్ తెలిపారు.

తనిఖీల్లో భాగంగా పరప్పన అగ్రహార సెంట్రల్ జైలుకు వెళ్లగా అక్కడ శశికళ, ఇళవరసి ఇద్దరూ యూనిఫామ్ ధరించలేదని.. మహిళా ఖైదీలు ధరించే దుస్తులు కాకుండా సొంత దుస్తులను ధరించారని తెలిపారు. దానిపై తాను జైలు సిబ్బందిని ప్రశ్నించగా, శశికళ ఉన్నత స్థాయికి చెందిన వారని, ఆమె సొంత బట్టలు వాడుకోవచ్చని సమాధానమిచ్చివట్లు రేఖా శర్మ వెల్లడించారు.

ఇదిలా ఉంటే.. ఇటీవల బెంగళూరు జైలులో శశిక‌ళ‌కు వీఐపీ ట్రీట్‌మెంట్ ఇస్తున్నార‌ని నిజాలను బయటపెట్టిన కర్ణాటక జైళ్లశాఖ డీఐజీ రూపను బదిలీ చేసిన సంగతి తెలిసిందే. జైళ్ల శాఖ డీఐజీ పదవి నుంచి తప్పించిన రూపను.. ట్రాఫిక్ డిపార్ట్‌మెంట్‌కు బదిలీ చేశారు. రూప గతంలో శశికళకు పరప్పన జైలులో రాచమర్యద ఇస్తున్నారని, రూ.2 కోట్ల లంచం తీసుకుని శ‌శిక‌ళ‌కు వీఐపీ సౌక‌ర్యాలు క‌లిపిస్తున్నార‌ని రూప మీడియాకు తెలిపిన సంగతి తెలిసిందే.


దీనిపై మరింత చదవండి :