నోయిడాలో వీధికుక్కను కాలితో తొక్కి చంపిన ట్రాఫిక్ పోలీస్.. ఫోటో వైరల్
నోయిడాలో ఓ ట్రాఫిక్ పోలీస్ ఓవరాక్షన్ చేశాడు. వీధికుక్కను కాలితో తొక్కి చంపి.. అదేమని ప్రశ్నిస్తే అది పిచ్చికుక్క అని చెప్పేశాడు. నోయిడాలోని సెక్టార్ 45 ప‌రిధిలో ర‌ద్దీ మార్గంలో ఈ ఘటన చోటుచేసుకుంది. ధర
నోయిడాలో ఓ ట్రాఫిక్ పోలీస్ ఓవరాక్షన్ చేశాడు. వీధికుక్కను కాలితో తొక్కి చంపి.. అదేమని ప్రశ్నిస్తే అది పిచ్చికుక్క అని చెప్పేశాడు. నోయిడాలోని సెక్టార్ 45 ప‌రిధిలో ర‌ద్దీ మార్గంలో ఈ ఘటన చోటుచేసుకుంది. ధరంసింగ్ అనే ట్రాఫిక్ కానిస్టేబుల్.. అందరూ చూస్తుండగానే దాని గొంతుపై తన కాళ్లను ఉంచి నిల్చున్నాడు. అది చనిపోయేంతవరకు వదల్లేదు. ఈ సందర్భాన్ని స్థానికులు ఫోటో తీశారు. దీన్ని జంతు సంర‌క్ష‌క స్వ‌చ్ఛంద సంస్థ‌కు అంద‌జేశారు.
ఈ ఫొటో కాస్త ఇప్పుడు వైరల్ అయ్యింది. ఈ ఫొటోను ఆధారంగా చేసుకుని ఆ జంతు సంర‌క్ష‌ఖ సంస్థ నోయిడాలోని సెక్టార్ 39 పోలీస్ స్టేష‌న్‌లో ఫిర్యాదు చేసింది. కానీ స్థానికులు మాత్రం కానిస్టేబుల్ చంపిన పిచ్చికుక్క ఇప్పటికే ఐదు మందిని కరిచిందని.. అందుకే చంపేశారని అంటున్నారు. ఈ ఘటనపై పోలీసులు కేసు నమోదు చేసుకుని దర్యాప్తు జరుపుతున్నారు.
