కొత్తిమీరతో రొయ్యల ఫ్రై ఎలా చేయాలి?
కొత్తిమీరలో యాంటి ఆక్సిడెంట్లు సమృద్దిగా లభిస్తాయి. కొత్తిమీరలో ఉండే పోషకాలు జీర్ణ వ్యవస్థకు, రోగ నిరోధక శక్తికి ఎంతో సాయపడతాయి. అలాంటి హెల్దీ కొత్తిమీరతో రొయ్యల ఫ్రై ఎలా చేయాలో చూద్దాం..
కావలసిన పదార్థాలు :
పసుపు, ఉప్పు, పసుపుతో ఉడికించిన రొయ్యలు - అర కేజీ
అల్లం వెల్లుల్లి పేస్ట్ - పావు కప్పు
కొత్తిమీర తరుగు - ఒక కప్పు
టొమాటో సాస్ - పావు కప్పు
కరివేపాకు - కాసింత
వెల్లుల్లి రెబ్బలు - నాలుగు
కారం - రెండు టీ స్పూన్లు
పసుపు పొడి - చిటికెడు
ఉప్పు, నూనె, గరం మసాలా - తగినంత
తయారీ విధానం :
బాణలిలో నూనెను వేడిచేయాలి. ఇందులో అల్లం వెల్లుల్లి పేస్ట్, ఉడికించిన రొయ్యలు, పసుపు వేసి కాసేపు ఉడికించాలి. తర్వాత కారం, పచ్చిమిర్చి, కరివేపాకు, గరం మసాలా, కొత్తిమీర వేసి కాసింత నీటితో దోరగా వేపాలి. చివర్లో టమోటా సాస్, వెల్లుల్లి రెబ్బలు వేసి పది నిమిషాల పాటు ఉంచి రొయ్యల బాగా ఫ్రై అయ్యాక దించేస్తే కొత్తిమీర రొయ్యల ఫ్రై రెడీ అయినట్లే. ఈ ఫ్రైని అన్నంలోకి సైడిష్గా నంజుకోవచ్చు.