పాలకూర, క్యాప్సికమ్ ఆమ్లెట్ ఎలా చేయాలి?
పాలకూర చర్మ, కేశ సంరక్షణకు ఎంతగానో ఉపయోగపడుతుంది. పాలకూరను వారానికి రెండుసార్లు తీసుకోవడం ద్వారా బరువు తగ్గించుకోవచ్చు. అలాగే క్యాప్సికమ్ను క్యాన్సర్ను నిరోధిస్తుంది. కెలోరీలను బర్న్ చేస్తుంది. పెయిన్ రిలీఫ్గా పనిచేస్తుంది. ఈ రెండింటి కాంబినేషన్లో సింపుల్గా పాలకూర, క్యాప్సికమ్ ఆమ్లెట్ ఎలా వేయాలో చూద్దాం..
కావలసిన పదార్థాలు :
పాలకూర తరుగు - ఒక కప్పు
క్యాప్సికమ్ తరుగు - ఒక కప్పు
ఉల్లి తరుగు - అర కప్పు
పచ్చిమిర్చి తరుగు - ఒక టీ స్పూన్
గరం మసాలా - అర టీ స్పూన్
కోడిగుడ్లు - మూడు
అల్లం పేస్ట్ - అర టీ స్పూన్
నూనె - తగినంత
ఉప్పు - సరిపడా
తయారీ విధానం :
ముందుగా పాలకూర, క్యాప్సికమ్, ఉల్లి, పచ్చిమిర్చి తరుగును ఓ బౌల్లోకి తీసుకుని కోడిగుడ్డును చేర్చి గిలకొట్టాలి. ఇందులో ఉప్పు, అల్లం పేస్టు, గరం మసాలా కూడా చేర్చి బాగా మిక్స్ చేసుకోవాలి. తర్వాత స్టౌమీద పాన్ పెట్టి వేడయ్యాక కోడిగుడ్డు పాలక్ మిశ్రమాన్ని ఆమ్లెట్లా పోసుకుని.. ఇరువైపులా బ్రౌన్ కలర్ అయ్యేంతవరకు కాల్చుకుని సర్వింగ్ ప్లేటులోకి తీసుకోవాలి. ఈ ఆమ్లెట్పై తరిగిన చీజ్ చిలకరించి వేడి వేడిగా సర్వ్ చేస్తే టేస్ట్ అదిరిపోతుంది.