గంగమ్మను సోమవారం ఇలా పూజిస్తే..? (video)

Ganga
Ganga
సెల్వి| Last Updated: సోమవారం, 14 సెప్టెంబరు 2020 (11:19 IST)
భగీరథుడు గంగానదిని స్వర్గం నుండి భూమికి తీసుకొచ్చాడు. ఇందుకోసం ఆయన కఠోర తపసు చేశాడు. తన తపస్సుకు మెచ్చిన గంగాతల్లి భగీరథుని కోరికలను తీర్చింది. కైలాసం నుంచి భూమి మీదకు వచ్చింది. మానవుల పాపాలకు తొలగించే మహాశక్తిగా ఇలపై నిలిచింది. అలాంటి గంగానదిని ''ఓం నమో భగవతి హిల్లి హిల్లి మిలి మిలి గంగే మా పావయే పవాయే స్వాహా'' అనే మంత్రాన్ని జపిస్తూ గంగాదేవిని ఆరాధించడం ద్వారా పాపాలు తొలగిపోతాయి.

అలాగే తల్లిని దర్శించుకోలేక పోయినా.. గంగానదిలో స్నానం చేయలేకపోయినా.. రోజూ నిద్రలేచిన వెంటనే శుచిగా స్నానమాచరించి.. ''గంగాదేవియే నమః'' అనే మంత్రాన్ని 108 సార్లు పఠిస్తే అనుకున్న కోరికలు నెరవేరుతాయి. ఇంకా పాపాలు హరించుకుపోతాయి. సోమవారం పూట గంగమ్మను తలచి పూజ చేసినట్లైతే ఈతిబాధలు వుండవు

గంగామాతను ఆరాధించడం వల్ల ఒక వ్యక్తికి పది రకాల పాపాల నుండి విముక్తి కలుగుతుందని విశ్వాసం. గంగాదేవిని దసరా రోజున, ఆ తల్లిని ధ్యానించడం, గంగానదిలో స్నానం చేయడం ద్వారా, కామ, కోపం, దురాశ, మోహం, అసూయ వంటి పాపాలు తొలగిపోతాయని పండితులు చెబుతారు. ముఖ్యంగా గంగను తలచి పూజ చేస్తే.. శంకరుడి అనుగ్రహం లభిస్తుందని ఆధ్యాత్మిక పండితులు చెప్తున్నారు.





దీనిపై మరింత చదవండి :