వేడి ఇనుప కడ్డీల( చాచవా)తో వ్యాధి నివారణ

prepared for treatment
WD PhotoWD
ప్రతి ఆదివారం, చికిత్స కోసం బారులు తీరిన ప్రజలను మీరు ఇక్కడ చూడవచ్చు. యువకులు లేదా పెద్దవారే కాక శిశువులు సైతం తమ దేహాలపై 'చాచవా'ను పుచ్చుకుంటారు. చికిత్సా సమయంలో రోగికి ఎలాంటి నొప్పి ఉండదనే విశ్వాసంతో పాటుగా, చికిత్స పొందేటప్పుడు పిల్లలు మరియు వృద్ధులు చేసే బాధతో కూడిన ఆర్తనాదాలు ఈ ప్రక్రియ యొక్క వేరొక పార్శ్వాన్ని స్పృశిస్తున్నాయి.

ఫోటోగ్యాలరీకోసం ఇక్కడ క్లిక్ చేయండి

కానీ అంబారామ్‌జీ మరియు అతని అనుచర గణానికి దీని గురించిన బెంగ ఏ మాత్రం లేదు... చికిత్స తర్వాత రోగి స్వస్థతను పొందుతాడనే అనే అంశాన్ని వారు బలంగా విశ్వసిస్తున్నారు. ఈ నేపథ్యంలో తన శిశువుకు చాచవాను ఇప్పించాలని అక్కడకు వచ్చిన ఒక మాతృమూర్తిని మేము నిలువరించడానికి ప్రయత్నించగా, ఆమె మాపైన కేకలు వేస్తూ, రోదిస్తూ ఇలా అంది, " వాడికి నీళ్ళవిరేచనాలు, ఇప్పుడు కనుక వాడికి 'చాచవా' ఇప్పించకపోతే వాడు చనిపోవడం ఖాయం. ఏది మంచి ఏది చెడు అనేది మాకు తెలుసు." నిశ్చేష్టులమైన మా కనుల ఎదుటనే ఆ మాతృమూర్తి తన చిన్నారి బిడ్డకు ఐదు సార్లు 'చాచవా' ఇప్పించింది.

ఈ వ్యవహారం గురించి మేము ఒక వైద్యుని ఆరాతీయగా ఇటువంటి ప్రక్రియలన్నీ పూర్తిగా అర్థరహితమని తేల్చి చెప్పారు. వాళ్ళు కేవలం మానసికమైన సందేహాలను నయం చేయగలరు కానీ ఎటువంటి వ్యాధిని నయం చేయలేరు. కానీ ఈ తరహా అనారోగ్యకరమైన వ్యాధి నివారణ పద్ధతులు రోగికి అంటువ్యాధిని సంక్రమింప చేసే అవకాశం ఉంది. ఇందుకు మద్దతు పలికే తన అనుభవంలోకి వచ్చిన ఒక సంఘటనను ఆ వైద్యుడు మాకు వివరించాడు.

నాభి దగ్గర గాయంతో బాధపడుతున్న నాలుగు మాసాల వయస్సు గల తమ శిశువుకు చికిత్స నిమిత్తం ఒక జంట నా వద్దకు వచ్చింది. తమ శిశువుకు చికిత్స కోసం గతంలో తాము బాబాను ఆశ్రయించినట్లు వాళ్ళు నాతో చెప్పారు. శిశువు దేహంపై 'చాచవా'ను ఉంచడంతో వ్యాధి విషమించింది. చివరకు వాళ్ళు వైద్యుని దగ్గరకు వచ్చారు. నెలరోజుల వైద్య పర్యవేక్షణలో శిశువు ఆరోగ్యం కుదుటపడింది.
Threat for life
WD PhotoWD


సహజంగా తమలోని అమాయకత్వం కారణంగా ఇటువంటి మోసాలవైపు మొగ్గు చూపే ప్రజలు, తమ విలువైన సమయాన్ని అంతే విలువైన ధనాన్ని అనవసరంగా వెచ్చిస్తున్నారు. కొన్ని సందర్బాలలో కొందరు ప్రజలు ఇటువంటి చికిత్సా ప్రక్రియకు తమ ప్రాణాలను బలిపెట్టడం అత్యంత విషాదకరం.

Shruti Agarwal|
చర్చలో పాల్గొనాలని భావిస్తున్నారా. అయితే ఇక్కడ క్లిక్ చేయండి.


దీనిపై మరింత చదవండి :