'పులి' హీరోయిన్‌కి గాయాలు... యాక్షన్ సన్నివేశాలకు రెడీ..!
టాలీవుడ్‌లో పరిచయమై కోలీవుడ్‌లో వెలుగుతున్న సుందరి హన్సిక. అక్కడ ఈ బబ్లీ బ్యూటీ వరుస హిట్‌లతో దూసుకుపోతోంది. ఈ అమ్మడు తమిళ టాప్ హీరోల సరసన నటించే అవకాశాలను అందుకుంటుంది. ప్రస్తుతం ఈ బ్యూటీ 'పులి' చిత్రంలో ఇలయ దళపతి విజయ్ సరసన నటిస్తుంది. ఈ చిత్రం షూటింగ్ శరవేగంగా జరుగుతోంది.
ఈ చిత్రంలో హన్సిక కత్తి తిప్పే సన్నివేశాల్లో నటించాల్సి ఉంది. అందుకోసం అమ్మడు కత్తి సాముపై శిక్షణ పొందుతోంది. శిక్షణ సమయంలో బ్యూటీకి చిన్న చిన్న గాయాలు ఏర్పడుతున్నట్టు తెలుస్తోంది. అయితే అవేమి పట్టించుకోని హన్సిక దీక్షణగా కత్తి సాము నేర్చుకుంటుందట. యాక్షన్ సన్నివేశాలలో నటించేందుకు తాను రెడీ అని అమ్మడు తెలుపుతుందట. అయినా శిక్షణ పూర్తయిన తర్వాతనే యాక్షన్ సన్నివేశాలు రూపొందించనున్నారు. కాగా పులి చిత్రంలో అతిలోక సుందరి శ్రీదేవి రాజమాత పాత్రలో నటిస్తుండడం విశేషం.
