సోనమ్ కపూర్కు స్వైన్ ఫ్లూ: టెస్టుల్లో పాజిటివ్!!
వామ్మో.. బాలీవుడ్ సుందరి సోనమ్ కపూర్కు స్వైన్ ఫ్లూ వచ్చిందట. దేశాన్ని పీడిస్తున్న స్వైన్ ఫ్లూ బాలీవుడ్ నటి సోనమ్ కపూర్కు కూడా సోకిందట. స్వైన్ ఫ్లూ ఎక్కువగా ప్రబలిన రాష్ట్రాల్లో గుజరాత్ ఒకటి. గుజరాత్లో షూటింగ్ చేస్తుండగా నటి సోనమ్ కపూర్ తీవ్ర అస్వస్థతకు లోనైయ్యారు. తరుచుగా సోనమ్ దగ్గు, జ్వరంతో ఇబ్బంది పడుతుండగా ఆమెను వెంటనే రాజ్కోట్లోని స్టెర్లిన్ ఆస్పత్రికి తరలించారు.
ఐతే సోనమ్కు ఫ్లూ లక్షణాలు ఉన్నట్టు వైద్యులు భావిస్తున్నారు. వ్యాధి నిర్ధారణ కోసం బ్లడ్ శాంపిల్స్ను తీసుకున్నారు. కాగా ఈ వైద్య పరీక్షల్లో స్వైన్ ఫ్లూ ఉన్నట్లు నిర్ధారణ అయింది. సోనమ్ పాల్గొంటున్న సినిమా సెట్లో బాలీవుడ్ నటులు సల్మాన్ ఖాన్, అనుపమ్ ఖేర్ కూడా ఉన్నారు. దీంతో స్వైన్ ఫ్లూ సోకిన సోనమ్ కపూర్కు వైద్యులు చికిత్స అందిస్తున్నారు.