తల్లకిందులైన బిగ్ బాస్ ఆలోచన, అందుకే వైల్డ్ కార్డ్ ఎంట్రీతో ఈమెను దింపుతారట (video).
సినిమాలా తయారైంది బిగ్ బాస్ 4 తెలుగు షో అంటున్నారు కొంతమంది. ఇంతకీ ఏంటయా అసలు సంగతి అంటే, బిగ్ బాస్ హౌస్ నుంచి ఎలిమినేషన్ అవుతున్నవారు ప్రేక్షకుల ఆలోచనలకు తేడా కొడుతోందట. జనం ఒకరిని అనుకుంటుంటే బిగ్ బాస్ మరొకర్ని ఇంటి నుంచి ఎలిమినేట్ చేస్తున్నారట.
ఈ నిర్ణయంతో ప్రేక్షకులకు మండి బాస్ ఇంటిని చూసేందుకు ఆసక్తత చూపడంలేదట. దీనితో రేటింగ్ కాస్తా దభాల్ మంటూ కిందపడిపోయినట్లు సమాచారం. దీనంతటికీ గత వారంలో కుమార్ సాయి ఎలిమినేషన్ అని చెప్పుకుంటున్నారు. అతడికి ఓట్లు తెగ పడి వుంటాయని జనం అనుకుంటుంటే, అతడిని బిగ్ బాస్ ఇంటి నుంచి అనూహ్యంగా ఎలిమినేట్ చేసేసాడు.
ఈ కారణంగా బిగ్ బాస్ షో ప్రియులు కాస్తంత అసహనానికి గురై షో చూడటంలేదని టాక్. దీనితో మళ్లీ ఎలాగైనా రేటింగ్ పెంచుకోవాలని బాస్ తెగ అలోచిస్తున్నారట. ఇందుకోసం తెలంగాణ కుర్రకారుని తన పాటలతో ఉర్రూతలూగించే మంగ్లీని వైల్డ్ కార్డ్ ఎంట్రీతో రంగంలోకి దింపాలని అనుకుంటున్నాడట. మరి మంగ్లీ వస్తే షో రేటింగ్ పెరుగుతుందేమో చూడాలి. అన్నట్లు మంగ్లీ ఎంట్రీ కోసం ఆమెకి భారీ పారితోషికం ఇచ్చేందుకు సైతం బిగ్ బాస్ రెడీ అయిపోయాడట.
