'గౌతమీపుత్ర శాతకర్ణి' స్టోరీ లీక్ : రెండు క్లైమాక్స్‌లు షూట్ చేసిన క్రిష్
దర్శకుడు జాగర్లముడి రాధాకృష్ణ (క్రిష్), బాలకృష్ణ కాంబోలో రూపొందుతున్న చిత్రం 'గౌతమీపుత్ర శాతకర్ణి'. ప్రస్తుతం ఈ సినిమా షూటింగ్ శరవేగంగా జరుగుతోంది. గౌతమీపుత్ర శాతకర్ణిగా బాలయ్య చేసిన యుద్ధ విన్యాసాలు,
దర్శకుడు జాగర్లముడి రాధాకృష్ణ (క్రిష్), బాలకృష్ణ కాంబోలో రూపొందుతున్న చిత్రం 'గౌతమీపుత్ర శాతకర్ణి'. ప్రస్తుతం ఈ సినిమా షూటింగ్ శరవేగంగా జరుగుతోంది. గౌతమీపుత్ర శాతకర్ణిగా బాలయ్య చేసిన యుద్ధ విన్యాసాలు, డైలాగ్స్ అద్భుతంగా ఉన్నాయి. బాలయ్య సరసన వైశిష్ఠి దేవిగా శ్రియ శరణ్ నటిస్తోంది. బాలీవుడ్ నటి హేమమాలిని శాతకర్ణి తల్లిగా నటిస్తోంది. సంక్రాంతి కానుకగా జనవరి 12న ఈ సినిమా విడుదల చేయటానికి సన్నాహాలు చేస్తున్నారు.
మరోపక్క ఈ సినిమాకు క్లైమాక్స్ ఏ విధంగా చిత్రీకరించి ఈ సినిమా ముగింపు చూపెట్టాలి అని మధన పడుతున్న క్రిష్ ఆలోచనలకు పరిష్కారం దొరికినట్లుగా వార్తలు వినిపిస్తున్నాయి. ఇప్పటికే క్రిష్ ఈ సినిమాను రెండువిధాలుగా ముగించాలి అన్న ఆలోచనలతో రెండు క్లైమాక్స్‌లు చిత్రీకరించాడని గుసగుసలు వినిపిస్తున్నాయి. అందులో మొదటిగా ఈ సినిమా చివర్న 'గౌతమీపుత్ర శాతకర్ణి' మరణంతో ఈ సినిమాను ముగించడం. అయితే ఆ ముగింపు బాలకృష్ణ అభిమానులకు ఏ మాత్రం నచ్చదు అన్న ఉద్దేశ్యంతో క్రిష్ ఈ సినిమాకు ఒక వినూత్నమైన ఎండింగ్ సీన్‌ను క్రియేట్ చేసినట్లు సమాచారం.
'గౌతమీపుత్ర శాతకర్ణి' జీవితంలో చేసిన యుద్ధాలలో అత్యంత చిరస్మరణీయమైన భీకర యుద్ధంతో ఈ సినిమా ముగింపు చేస్తారట. ఈయుద్ధం తర్వాత శాతకర్ణి చక్రవర్తిగా సింహాసనాన్ని అధిరోహించిన సీన్ చూపెట్టి ఆ తర్వాత వెంటనే భారత స్వాతంత్ర పోరాటానికి సంబంధించిన కొన్ని సీన్స్‌ను చూపెట్టి ఆ తర్వాత మన దేశానికి స్వాతంత్ర్యం వచ్చినట్లు చూపించి జాతీయ పతాకం రెపరెపలాడుతున్న షాట్‌తో ఈ సినిమాను ముగిస్తారట. ఈ సినిమా క్లైమాక్స్‌లో వచ్చే యుద్ధం 20 నిముషాలు ఉండటమే కాకుండా అత్యంత భారీ స్థాయిలో గ్రాఫిక్స్ కూడా ఉంటాయని సినీనిపుణులు అంటున్నారు.
