శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By జె
Last Modified: మంగళవారం, 17 డిశెంబరు 2019 (20:45 IST)

తన రేటు అమాంతం పెంచేసిన నభా నటేష్, ఎందుకంటే?

ఏదో సీనియర్ హీరోయిన్లు కోట్లకు కోట్లు తీసుకుంటున్నారంటే పోనీలే అనుకోవచ్చు. కానీ నిన్నకాక మొన్న వచ్చిన వారు కోట్లలో డిమాండ్ చేస్తున్నారంటే టాలీవుడ్‌లో హీరోయిన్ల కొరత ఎలా ఉందో అర్థం చేసుకోవచ్చు. ఇప్పుడు ఇదంతా ఎందుకంటే ఇస్మార్ట్ పోరి నభా నటేష్ భారీగా డిమాండ్ చేస్తోందని తెలుగు సినీపరిశ్రమలో బాగానే ప్రచారం జరుగుతోంది. 
 
ఇస్మార్ట్ శంకర్ సినిమాతో వచ్చిన క్రేజ్‌ను క్యాష్ చేసుకుంటూ రెమ్యూనరేషన్ విషయంలో అస్సలు వెనక్కి తగ్గడం లేదట నభా. బెల్లకొండ శ్రీనివాస్ హీరోగా తెరకెక్కనున్న కొత్త సినిమాలో నటించే అవకాశం రావడం, దానికి ఆమె భారీగా డిమాండ్ చేయడం ఇప్పుడు హాట్ టాపిక్‌గా మారుతోందట. 
 
అందాల ఆరబోతకు, అబ్బురపరిచే అభినయానికి ఏమాత్రం వెనుకడగేయని ఈ ముద్దుగుమ్మతో ఈ సినిమాలో సూపర్ హిట్ సీన్స్ చిత్రీకరించాలని ప్లాన్ చేస్తున్నారట. అయితే అన్నింటికీ ఒకే కానీ ఈ సినిమాలో నటించాలంటే కోటి రూపాయల రెమ్యునరేషన్ కావాలని డిమాండ్ చేసిందట నభా నటేష్. ఆమె మాటకు ఆ చిత్ర నిర్మాతలు గ్రీన్ సిగ్నల్ కూడా ఇచ్చేశారని తెలుస్తోంది. అయితే మొదటి సినిమా తరువాత భారీగా తన రేటును పెంచేయడంపై మాత్రం సినీ పరిశ్రమలో గుసగుసలు పెద్ద ఎత్తున జరుగుతున్నాయి.