రెజీనాలాంటి క్యారెక్టర్ ఉన్న అమ్మాయి నాకు వద్దనే వద్దు : నాగశౌర్య
నారా రోహిత్, నాగశౌర్య, రెజీనాలు ప్రధాన పాత్రల్లో తెరకెక్కిన రొమాంటిక్ ఎంటర్టైనర్ 'జ్యో అచ్యుతానంద'. ఇటీవల విడుదలైన ఈ సినిమా హిట్ టాక్ సొంతం చేసుకొని మంచి వసూళ్లతో దూసుకుపోతోంది. తాజాగా ఈ సినిమాకు సంబ
నారా రోహిత్, నాగశౌర్య, రెజీనాలు ప్రధాన పాత్రల్లో తెరకెక్కిన రొమాంటిక్ ఎంటర్ టైనర్ 'జ్యో అచ్యుతానంద'. ఇటీవల విడుదలైన ఈ సినిమా హిట్ టాక్ సొంతం చేసుకొని మంచి వసూళ్లతో దూసుకుపోతోంది. తాజాగా ఈ సినిమాకు సంబంధించిన మరో వార్త టాలీవుడ్ సర్కిల్స్ లో ఆసక్తి కలిగిస్తోంది. ఈ చిత్రంలో టాలీవుడ్ యంగ్ హీరోస్ నారా రోహిత్ - నాగశౌర్యలతో కలిసి రెజీనా నటించింది. ఈ క్రమంలో సదరు చిత్రం హీరోలు మీడియాకు ఇంటర్వ్యూల మీద ఇంటర్వ్యూలు ఇస్తున్నారు.
ఈ క్రమంలో ఓ ఇంటర్వ్యూ సందర్భంగా రెజీనాపై నాగశౌర్య ఆసక్తికర కామెంట్లు చేశాడు. అంతేకాదండోయ్ అతడు చేసిన కామెంట్లకు నారా రోహిత్ కూడా మద్దతు పలికాడు. అయినా రెజీనా గురించి నాగశౌర్య ఏమన్నాడంటే... రెజీనాను భరించడం రీల్ లైఫ్‌లో అయితే ఫర్వాలేదు కానీ - రియల్ లైఫ్‌లో మాత్రం భరించడం చాలా కష్టమని చెప్పాడు. రెజీనా చాలా ఇంటెలిజెంట్ అని ఈ విషయాన్ని ఎవరు ప్రస్తావించినా ఒప్పుకుంటానని పేర్కొన్నాడు.
నాకైతే మాత్రం 'జ్యో అచ్యుతానంద' చిత్రంలోని రెజీనా కారెక్టర్ లాంటి అమ్మాయి మాత్రం తనకు వద్దని అతడు చెప్పాడు. ఇక చిత్రంలో తనకు సోదరుడిగా నటించిన నారా రోహిత్‌కు కూడా రెజీనా వంటి అమ్మాయి వద్దని కూడా అతడు చెప్పాడు. నాగశౌర్య మాటలకు మద్దతు పలికిన నారా రోహిత్ కూడా అతని మాటకు సై అన్నాడు. ఇక తనకు కాలేజీ లైఫ్‌లో జ్యో లాంటి అమ్మాయి తగిలిందా అని చాలా మంది అడుగుతున్నారని అయితే తనకు మాత్రం అలాంటి అమ్మాయి మాత్రం తగలలేదని నాగశౌర్య చెప్పుకొచ్చాడు.
