చెర్రీ - సుక్కు సినిమా కథ లీక్.. సోషల్ మీడియాలో హల్‌చల్
మెగా పపర్ స్టార్ రామ్ చరణ్, దర్శకుడు సుకుమార్ కాంబినేషన్‌లో ఓ చిత్రం రూపొందనుంది. ఈ చిత్రానికి సంబంధించిన వర్కింగ్ స్టిల్‌ను యూనిట్ విడుదల చేసింది. కాడెత్తుకుని వెళుతున్న రాంచరణ్‌ పోస్టర్ నెట్‌లో వైర
మెగా పపర్ స్టార్ రామ్ చరణ్, దర్శకుడు సుకుమార్ కాంబినేషన్‌లో ఓ చిత్రం రూపొందనుంది. ఈ చిత్రానికి సంబంధించిన వర్కింగ్ స్టిల్‌ను యూనిట్ విడుదల చేసింది. కాడెత్తుకుని వెళుతున్న రాంచరణ్‌ పోస్టర్ నెట్‌లో వైరల్‌గా మారింది. ఈ సినిమాకు 'రేపల్లె' లేదా 'పల్లెటూరి ప్రేమలు' అనే టైటిల్‌ను కూడా అనుకుంటున్నట్లు సమాచారం. అయితే సుకుమార్ డైరెక్షన్‌లో రాబోతున్న ఈ చిత్రానికి సంబంధించి ఓ రూమర్ వినిపిస్తోంది. సుకుమార్ తీయాలనుకుంటున్న కథ నెట్‌లో లీకయిందంటూ ప్రచారం జరుగుతోంది.
కథ ఇదేనంటూ ఓ స్క్రిప్ట్ ఇప్పుడు నెట్టింట్లో చక్కర్లు కొడుతోంది. దీని ప్రకారం సినిమా కథేంటంటే... హీరో పక్కా పల్లెటూరి కుర్రాడు. అందరితో కలిసిమెలిసి ఉంటుంటాడు. అలాంటి యువకుడు అనుకోకుండా ఓ పని మీద సిటీకి వెళ్లాల్సొస్తుంది. సిటీలోనే ఓ ప్రయోగశాలలో పనికి కుదురుతాడు. అక్కడున్న శాస్త్రవేత్తలు మనిషిపై ఓ ప్రయోగం చేయాలన్న దుర్భుద్దితో ఉంటారు.
ఈ యువకుడిపై వారి కన్నుపడుతుంది. ఇంతకీ ఆ శాస్త్రవేత్తలు హీరోపై ప్రయోగం చేశారా? ఒకవేళ చేస్తే ఆ తదనంతరం జరిగిన పరిణామాలేంటి అనే విషయాలను సుకుమార్ ఆసక్తికరంగా తెరకెక్కించనున్నాడని టాక్. అయితే ఇది కేవలం పుకారు మాత్రమే. ఒక స్టార్ హీరోతో ఓ క్రియేటివ్ డైరెక్టర్ సినిమా తీయాలనుకున్నప్పుడు ఇలాంటి కథలు తెరపైకి రావడం కొత్తేమీ కాదని కొందరు కొట్టిపారేస్తున్నారు.
