శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By శ్రీ
Last Modified: మంగళవారం, 3 మార్చి 2020 (14:02 IST)

ఎఫ్ 3 కోసం వెంకీ డిమాండ్, షాక్ తిన్న దిల్ రాజు, ఏమైంది?

విక్టరీ వెంకటేష్, మెగా హీరో వరుణ్ తేజ్ కాంబినేషన్లో రూపొందిన బ్లాక్‌బస్టర్ మూవీ ఎఫ్ 2. ఈ సినిమాకి సక్సస్‌ఫుల్ డైరెక్టర్ అనిల్ రావిపూడి దర్శకత్వం వహించారు. శ్రీ వెంకటేశ్వర క్రియేషన్స్ బ్యానర్ పైన ప్రముఖ నిర్మాత దిల్ రాజు ఈ సినిమాని నిర్మించారు. ఈ సినిమా ఫ్యామిలీ ఆడియన్స్‌ని విశేషంగా ఆకట్టుకుంది. ఈ మూవీ ఇచ్చిన విజయోత్సాహంతో ఈ సినిమాకి సీక్వెల్‌గా ఎఫ్ 3 సినిమా చేయాలనుకోవడం తెలిసిందే. 
 
అయితే.. ఈ సీక్వెల్‌లో వెంకటేష్, వరుణ్ తేజ్‌లతో పాటు మరో హీరో కూడా నటిస్తున్నారని... ఈ పాత్ర కోసం మాస్ మహారాజా రవితేజని సంప్రదించారని టాక్ వచ్చింది.
 
 అయితే.. రవితేజ ప్రస్తుతం క్రాక్ మూవీ చేస్తున్నారు. మలినేని గోపీచంద్ ఈ సినిమాకి దర్శకత్వం వహిస్తున్నారు. ఇటీవల రిలీజ్ చేసిన క్రాక్ టీజర్‌కి అనూహ్యమైన స్పందన వచ్చింది. విభిన్న కథాంశంతో రూపొందుతోన్న ఈ సినిమా సమ్మర్లో ప్రేక్షకుల ముందుకు రానుంది. ఆ తర్వాత రవితేజ రమేష్ వర్మ డైరెక్షన్లో మూవీ చేస్తున్నారు. అలాగే మరో రెండు సినిమాల కథా చర్చలు జరుగుతున్నాయి. 
 
ఇలా రవితేజ వేరే ప్రాజెక్ట్స్‌తో బిజీగా ఉండటంతో ఎఫ్ 3లో నటించేందుకు నో చెప్పారని వార్తలు వచ్చాయి. ఇదిలా ఉంటే... ఈ సినిమాలో నటించేందుకు వెంకటేష్‌ ఎక్కువ రెమ్యూనరేషన్ డిమాండ్ చేస్తున్నారని.. అందుచేతనే ఈ ప్రాజెక్ట్ సెట్స్ పైకి వెళ్లడం లేటు అవుతుందని ఫిల్మ్ నగర్లో టాక్ వినిపిస్తోంది.
 
 ఈ విషయమై వెంకటేష్, సురేష్ బాబు, దిల్ రాజుల మధ్య చర్చలు జరుగుతున్నట్టు తెలిసింది. ఈ ప్రాజెక్ట్ గురించి తాజా వార్త ఏంటంటే... వెంకీ ఎక్కువ రెమ్యూనరేషన్ డిమాండ్ చేస్తుండటంతో వెంకీ చేయాల్సిన పాత్రను దిల్ రాజు రవితేజతో చేయించాలనుకుంటున్నారని.. ఈ విషయమై రవితేజతో చర్చించారని ప్రచారం జరుగుతుంది. 
 
మరోవైపు డైరెక్టర్ అనిల్ రావిపూడి మాత్రం ఆ పాత్రను వెంకటేషే చేయాలని పట్టుబడుతున్నారని.. అందుకనే ఎఫ్ 3 సెట్స్ పైకి వెళ్లడం ఆలస్యం అవుతుందని టాక్. ఇటీవల సూపర్ స్టార్ మహేష్ బాబు ఎఫ్ 3 సినిమాలో నటిస్తున్నాడు అంటూ వార్తలు వచ్చాయి.
 
 అయితే.. ఈ వార్త బయటకు వచ్చినప్పుడు మహేష్ బాబు ఏంటి... ఎఫ్ 3 సినిమాలో నటించడం ఏంటి ఇదేదో గాసిప్ అనుకున్నారు. వాస్తవం ఏంటంటే...  మహేష్ బాబుని ఎఫ్ 3 సినిమాలో నటించమని సంప్రదించిన మాట వాస్తవమే అని తెలిసింది. కానీ.. మహేష్ చిరు మూవీలో నటిస్తుండటంతో నో చెప్పారని టాక్. 
 
ప్రస్తుతం డైరెక్టర్ అనిల్ రావిపూడి - నిర్మాత దిల్ రాజు వెంకీ అడిగిన రెమ్యూనరేషన్ ఇవ్వడమా..? లేక వెంకీ పాత్రను వేరే హీరోతో చేయించడమా..? అనే విషయమై సీరియస్‌గా ఆలోచిస్తున్నారని సమాచారం. మరి.. ప్రచారంలో ఉన్నట్టు వెంకీ పాత్రను రవితేజతో చేయిస్తారా..? లేదా..? అనేది త్వరలోనే తెలియనుంది.