గురువారం, 28 మార్చి 2024
  1. వినోదం
  2. తెలుగు సినిమా
  3. గుసగుసలు
Written By మోహన్
Last Updated : మంగళవారం, 19 ఫిబ్రవరి 2019 (18:18 IST)

తండ్రి కాబోతున్న అర్జున్ రెడ్డి?

అర్జున్ రెడ్డి చిత్రంతో సెన్సేషన్ క్రియేట్ చేసాడు యువ హీరో విజయ్ దేవరకొండ. ప్రతి చిత్రంలో వేరియేషన్ కలిగి ఉన్న పాత్రలు చేస్తూ యువతలో మంచి ఫాలోయింగ్ సంపాదించుకున్నాడు. అర్జున్ రెడ్డి చిత్రంలో మరెవరూ నటించలేరు అన్న రీతిలో నటించాడు. గతేడాది మూడు విభిన్నమైన కథలతో ప్రేక్షకుల ముందుకు వచ్చాడు.
 
అందులో గీత గోవిందం వంద కోట్ల మార్క్ వసూళ్లు సాధించిన చిత్రంగా విజయ్ కెరీర్‌లో బిగ్గెస్ట్ హిట్‌గా నిలిచింది. ఆ తర్వాత ద్విభాష చిత్రంగా వచ్చిన 'నోట' ఆశించిన స్థాయిలో లేకపోయినప్పటికీ ప్రముఖుల ప్రశంసలను అందుకుంది. ఆ తర్వాత వచ్చిన టాక్సీవాలా చిత్రం కూడా కమర్షియల్‌గా మంచి విజయాన్నే సాధించింది. 
 
తాజాగా విజయ్ దేవరకొండ భరత్‌ కమ్మ దర్శకత్వంలో రష్మిక మందన్నతో కలిసి డియర్ కామ్రేడ్ చిత్రంలో నటిస్తున్నాడు. ఆ సినిమా తర్వాత మళ్లీ మళ్లీ ఇది రాని రోజు దర్శకుడు క్రాంతి మాధవ్ దర్శకత్వం వహించే చిత్రంలో నటించనున్నాడు. ఈ చిత్రంలో రాశీఖన్నా, ఇసాబెల్లా, ఐశ్వర్య రాజేష్, కేథరిన్‌లు విజయ్ సరసన హీరోయిన్‌లుగా నటిస్తున్నారు. 
 
ఈ చిత్రం తొలి షెడ్యూల్‌ని కూడా పూర్తి చేసుకుంది. అయితే ఈ చిత్రంలో విజయ్ ఎనిమిదళ్ల పిల్లాడికి తండ్రిగా కనిపించబోతున్నాడట. వయస్సుకు మించిన పాత్రను పోషిస్తున్నాడని వినికిడి. క్రియేటివ్ కమర్షియల్స్ బ్యానర్‌లో చిత్రం తెరకెక్కుతోంది. గీత గోవిందంతో మ్యూజికల్ హిట్ ఇచ్చిన సంగీత దర్శకుడు గోపి సుందర్ ఈ చిత్రానికి సంగీతం అందిస్తున్నాడు.