కరణ్ జొహార్‌తో అలాంటి ఇబ్బంది ఉండదు... చాలా బ్యూటీగా చూపిస్తారు : అనుష్క
సినీపరిశ్రమలో హీరోయిన్లు అందంగా కనిపించేందుకు నానా తంటాలు పడుతుంటారు. ఎలాంటి సన్నివేశాలు చేస్తున్నా... షూటింగ్‌ మధ్యలో కూడా తమ అందంపై మేకప్ మ్యాన్‌లు ప్రత్యేక శ్రద్ధ తీసుకుంటుంటారు. అయితే కరణ్ జొహార్
సినీపరిశ్రమలో హీరోయిన్లు అందంగా కనిపించేందుకు నానా తంటాలు పడుతుంటారు. ఎలాంటి సన్నివేశాలు చేస్తున్నా... షూటింగ్‌ మధ్యలో కూడా తమ అందంపై మేకప్ మ్యాన్‌లు ప్రత్యేక శ్రద్ధ తీసుకుంటుంటారు. అయితే కరణ్ జొహార్ చిత్రంలో నటించినప్పుడు మాత్రం అలాంటి ఇబ్బందులేవీ ఉండవని అంటోంది బాలీవుడ్‌ బ్యూటీ అనుష్క శర్మ. ఈ ముద్దుగుమ్మ తాజాగా నటించిన చిత్రం ''యే దిల్‌ హై ముష్కిల్‌''.
ఈ సినిమాకు కరణ్ జొహార్ దర్శకత్వం వహించాడు. అయితే ఈ సినిమాలో కరణ్‌తో పనిచేయడం గురించి చెబుతూ ''తెర మీద ఎలా కనిపిస్తానో అనే ఆలోచనతో ఒక్కోసారి నటనపై పెద్దగా శ్రద్ధ పెట్టను. కానీ కరణ్ జొహార్‌తో పని చేసినప్పుడు మాత్రం ఆ ఇబ్బంది కలుగదు. ఎందుకంటే కరణ్, డిజైనర్‌ మనీష్‌ మల్హోత్రాలు సినిమాలోని ప్రతి ఫ్రేమ్‌లో నటీనటులు అందంగా కనిపించేలా జాగ్రత్తలు తీసుకుంటారు. వాళ్లతో పనిచేస్తున్నపుడు వేరే ఆలోచన లేకుండా నటన మీదే శ్రద్ధ పెడతాను అని చెప్పింది.
