గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : శనివారం, 1 సెప్టెంబరు 2018 (09:30 IST)

హీరో కాదు.. బౌన్సర్... ఇద్దరు సోదరులకు కంచెలా....

సినీ హీరో, టీడీపీ మాజీ ఎంపీ నందమూరి హరికృష్ణ తాజాగా నల్గొండ జిల్లాలో జరిగిన రోడ్డు ప్రమాదంలో చనిపోయారు. ఆయన అంత్యక్రియలు జూబ్లీహిల్స్‌లోని మహాప్రస్థానంలో పూర్తిచేశారు. ఈ అంత్యక్రియలకు నందమూరి అభిమానుల

సినీ హీరో, టీడీపీ మాజీ ఎంపీ నందమూరి హరికృష్ణ తాజాగా నల్గొండ జిల్లాలో జరిగిన రోడ్డు ప్రమాదంలో చనిపోయారు. ఆయన అంత్యక్రియలు జూబ్లీహిల్స్‌లోని మహాప్రస్థానంలో పూర్తిచేశారు. ఈ అంత్యక్రియలకు నందమూరి అభిమానులు భారీ ఎత్తున తరలివచ్చారు. దీంతో వారిని కంట్రోల్ చేయడం పోలీసులకు సైతం సాధ్యపడలేదు.
 
కానీ, ఓ హీరో బౌన్సర్‌గా మారి వారిని కట్టడి చేశారు. అంతేనా తండ్రిని కోల్పోయి దుఃఖంలో మునిగిపోయివున్న ఇద్దరు సోదరులకు ఇనుప కంచెలా ఉండి అంత్యక్రియల తతంతం సజావుగా పూర్తయ్యేలా చూశాడు. ఆ హీరో ఎవరో మంచు మనోజ్. హీరోలు జూనియర్ ఎన్టీఆర్, కళ్యాణ్‌ రామ్‌లకు మంచి మిత్రుడు. 
 
తండ్రి మరణంతో ఆయన కుమారులైన కల్యాణ్‌రామ్, జూనియర్ ఎన్టీఆర్‌లు తీవ్ర విషాదంలో మునిగిపోయారు. అలాంటి పరిస్థితుల్లో అంత్యక్రియల సందర్భంగా తారక్, కల్యాణ్‌రామ్‌లను చూసేందుకు జనం ఎగబడ్డారు. సినీ ఇండస్ట్రీ ప్రముఖులు, హీరోలు అంతా అలా చూస్తూ మిన్నకుండిపోయారు. ఎవరూ ఏమీ చేయలేని పరిస్థితి. 
 
దీంతో ఈ ఇద్దరు అన్నదమ్ముల కోసం మంచు మనోజ్ ఒక బౌన్సర్‌లా నిలబడ్డాడు. జనాన్ని కంట్రోల్ చేసుకుంటూ కార్యక్రమం పూర్తయ్యే వరకూ ధైర్యంగా నిలబడ్డాడు. దీనికి సంబంధించిన పిక్స్‌ను సోషల్ మీడియాలో షేర్ చేయడమే కాకుండా ఎన్టీఆర్ ఫ్యాన్స్ మనోజ్‌ను ప్రశంసలతో ముంచెత్తుతున్నారు. సోషల్ మీడియాలో ఈ పిక్స్ చూసిన ప్రతి ఒక్కరూ మనోజ్‌ను అభినందిస్తున్నారు.