బుల్లితెర యాంకర్ విష్ణుప్రియ ఇంట విషాదం
తెలుగు బుల్లితెర యాంకర్ విష్ణుప్రియ ఇంట విషాదం నెలకొంది. ఆమె తల్లి గురువారం కన్నుమూశారు. తన తల్లి మృతిని గుర్తు చేసుకుంటూ విష్ణుప్రియ తీవ్ర భావోద్వేగానికి గురయ్యారు. ఈ మేరకు ఇన్‌స్టాగ్రామ్‌లో ఓ పోస్ట్ చేసింది.
"మై డియర్ లవ్లీ అమ్మా.. ఈ రోజు వరకునాతో ఉన్నందుకు ధన్యవాదాలు. నీతో గడిన ప్రతి క్షణాన్ని నా చివరి శ్వాసవరకు గుర్తు చేసుకుంటూనే ఉంటా. నువ్వే నా బలం. అలాగే, బలహీనత కూడా. ఇకపై ప్రతి క్షణం నువ్వు నాతోనే ఉంటావు.
ముఖ్యంగా నేను తీసుకునే ప్రతి శ్వాసలోనూ నువ్వు ఉంటారు. అలా నేను బలాన్ని పొందుతాను. ఈ భూమ్మీద నాకంటూ ఓ మంచి జీవితం ఇవ్వడం కోసం నువ్వు చేసిన త్యాగాలన్నింటికీ నేను ఎప్పటికీ రుణపడి ఉంటాను. నీ ఆత్మకు శాంతి చేకూరాలని కోరుకుంటున్నా" అని కన్నీటి పర్యంతమైంది.
తన తల్లిని హత్తుకున్న మరో ఫోటోని షేర్ చేస్తూ, ఇకపై నీ ముద్దులను మిస్ అవుతాను అమ్మా అని పేర్కొంది. మరోవైపు విష్ణు ధైర్యం చెబుతూ పలువురు బుల్లితెర తారలు కామెంట్స్ పెడుతున్నారు. విష్ణు కెరీర్ ప్రస్తుతం బుల్లితెరపై పీక్ స్టేజీలో కొనసాగుతున్న విషయం తెల్సిందే.
