మెగాస్టార్ బర్త్‌డేకు చిరంజీవి 150వ చిత్రం 'ఫస్ట్ లుక్' రిలీజ్.. ప్రీలుక్ పోస్టర్ ఇదే
మెగాస్టార్ చిరంజీవి సుదీర్ఘ విరామం తర్వాత 150వ చిత్రంలో నటిస్తున్నారు. ఈ చిత్రం షూటింగ్ ప్రస్తుతం జరుగుతోంది. తమిళ చిత్రం కత్తిని చిరంజీవి హీరోగా, వివి వినాయక్ దర్శకత్వంలో హీరో రాంచరణ్ రీమేక్ చేస్తున్
మెగాస్టార్ చిరంజీవి సుదీర్ఘ విరామం తర్వాత 150వ చిత్రంలో నటిస్తున్నారు. ఈ చిత్రం షూటింగ్ ప్రస్తుతం జరుగుతోంది. తమిళ చిత్రం కత్తిని చిరంజీవి హీరోగా, వివి వినాయక్ దర్శకత్వంలో హీరో రాంచరణ్ రీమేక్ చేస్తున్న విషయం తెల్సిందే.
ఈ చిత్రంపై ఇప్పటినుంచే విపరీతమైన అంచనాలున్నాయి. ఇది చిరంజీవి 150వ సినిమా కావడం మరింత ఆసక్తిని రేకెత్తిస్తోంది. అందుకే చిరంజీవి అండ్‌ కో సకల జాగ్రత్తలూ తీసుకుని ఈ రీమేక్ చిత్రాన్ని నిర్మిస్తోంది.
ఇకపోతే.. ఈ సినిమా ఫస్ట్‌లుక్‌ను చిరంజీవి పుట్టిన రోజు అయిన ఆగస్టు 22వ తేదీన విడుదల చేయనున్నారు. ఆ విషయం తెలియజేయడానికి గురువారం రాత్రి ఓ ప్రీ-లుక్ పోస్టర్‌ను విడుదల చేశారు. అయితే అందులో కూడా ఈ సినిమా పేరేంటన్నది వెల్లడించక పోవడం గమనార్హం.
కేవలం ‘కొణిదెల ప్రొడక్షన్‌ కంపెనీ’ అనే బ్యానర్‌ను, హైదరాబాద్‌ సింబల్స్‌ అయిన చార్మినార్‌, బుద్ధ విగ్రహం, గోల్కొండకోట చూపించారు. ఈ సినిమా పేరేంటో తెలియాలంటే ఆగస్టు 22వ తేదీ వరకు ఆగక తప్పదన్నమాట.
