నీ భార్యను అత్యాచారం చేస్తాను.. బెదిరించిన వ్యక్తి ఎవరు?
చిత్ర పరిశ్రమలో దారుణం చోటుచేసుకొంది. హీరోయిన్ ఫోన్ నెంబర్ ఇవ్వకపోవడంతో సినిమాటోగ్రాఫర్ భార్యను అత్యాచారం చేస్తానని ఒక మలయాళ డైరెక్టర్ బెదిరించడం కలకలం సృష్టిస్తోంది. వివరాల్లోకి వెళితే.. ఎంఎస్ ప్రభు సీనియర్ సినిమాటోగ్రాఫర్. 30 ఏళ్లుగా ఎన్నో సినిమాలకు పనిచేస్తున్నాడు. ఇక ఇతనికి 2016లో సూర్య అనే దర్శకుడు పరిచయం అయ్యాడు.
ఇతను హీరోయిన్ పద్మప్రియతో ఒక భారతీయార్ వీడియో సాంగ్ చేయాలనీ చెప్పి ప్రభును అడుగగా.. ఆయన అదేవిధంగా వీడియో తయారుచేసి ఇచ్చాడు. ఆ తర్వాత కొన్నిరోజులు సూర్య, పద్మప్రియ ఫోన్ నెంబర్ కావాలని ప్రభును ఒత్తిడిచేయడం మొదలుపెట్టాడు. అయితే హీరోయిన్ ఫోన్ నెంబర్ ఇవ్వకపోవడంతో డైరక్టర్ ప్రభును బెదిరించాడు.
హీరోయిన్ నెంబర్ ఇవ్వకపోతే.. "నీ భార్యను అత్యాచారం చేస్తాను" అని బెదిరించడం మొదలుపెట్టాడు. దీంతో భయపడిన ప్రభు.. వెంటనే రామాపురం పోలీస్ స్టేషన్‌లో ఫిర్యాదు చేశాడు. ఆ ఫిర్యాదులో సూర్య అనే వ్యక్తి బెదిరింపులకు పాల్పడినట్లు తెలిపారు.
నటి పద్మప్రియ ను పరిచయం చేయాల్సిందిగా, ఫోన్ నెంబర్ ఇవ్వాల్సిందిగా తనను బెదిరిస్తున్నాడని.. నెంబర్ ఇవ్వకపోతే తన భార్యను అత్యాచారం చేస్తానని బెదిరిస్తున్నాడని పేర్కొన్నాడు. దయచేసి అతడిపై చర్యలు తీసుకోవాల్సిందిగా కోరుతున్నట్లు విజ్ఞప్తి చేశాడు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
