ఛాట్ బస్టర్ గా మారిన ఫ్యామిలీ స్టార్ ఫస్ట్ సింగిల్ 'నందనందన
vijay devarakond, parasuram
స్టార్ హీరో విజయ్ దేవరకొండ నటిస్తున్న "ఫ్యామిలీ స్టార్" సినిమా నుంచి రిలీజ్ చేసిన ఫస్ట్ సింగిల్ 'నందనందనా..' ఇన్ స్టంట్ ఛాట్ బస్టర్ అయ్యింది. ఈ పాట మెలొడియస్ గా ఉంటూ మ్యూజిక్ లవర్స్ ఫేవరేట్ సాంగ్ గా మారుతోంది. ఈ పాట సక్సెస్ తో దర్శకుడు పరశురామ్ పెట్ల మ్యూజిక్ టేస్ట్ మరోసారి ప్రూవ్ అవుతోంది. డైరెక్టర్ పరశురామ్ సినిమాల్లో మ్యూజిక్ కు మంచి ఇంపార్టెన్స్ ఉంటుంది. ఆ సినిమా మూడ్ కు, సందర్భానికి కావాల్సినట్లు ట్యూన్ సెలెక్ట్ చేసుకుంటారు పరశురామ్ పెట్ల. ఎలాంటి పాట ఆ సినిమాకు ఆకర్షణ అవుతూ, ప్రేక్షకుల్ని ఆకట్టుకుంటుందో పర్పెక్ట్ గా గెస్ చేయగలరు పరశురామ్ పెట్ల.
ఆయన గత సినిమాలు "గీత గోవిందం"లో ఇంకేం ఇంకేం ఇంకేం కావాలే, "సర్కారు వారి పాట"లోని కళావతి..కళావతి పాటలు ఎంత పెద్ద హిట్ అయ్యాయో చూశాం. ఇప్పుడు "ఫ్యామిలీ స్టార్"లో 'నందనందనా..' పాటతోనూ ఆయన అదే మ్యాజిక్ సాంగ్ సెలెక్షన్ చేశారు. లిరిసిస్ట్ అనంత్ శ్రీరామ్, సింగర్ సిధ్ శ్రీరామ్, మ్యూజిక్ డైరెక్టర్ గోపీ సుందర్ కాంబోతో పరశురామ్ పెట్ల సూపర్ హిట్ మ్యూజిక్ కాంబో "ఫ్యామిలీ స్టార్" తో రిపీట్ అవుతోంది.
"ఫ్యామిలీ స్టార్" సినిమాను ప్రతిష్టాత్మక నిర్మాణ సంస్థ శ్రీ వెంకటేశ్వర క్రియేషన్స్ బ్యానర్ లో స్టార్ ప్రొడ్యూసర్స్ దిల్ రాజు, శిరీష్ నిర్మిస్తున్నారు. హోల్ సమ్ ఎంటర్ టైనింగ్ డైరెక్టర్ పరశురామ్ పెట్ల రూపొందిస్తున్నారు. "ఫ్యామిలీ స్టార్" చిత్రానికి క్రియేటివ్ ప్రొడ్యూసర్ గా వాసు వర్మ వ్యవహరిస్తున్నారు. ఈ సినిమా ఏప్రిల్ 5వ తేదీన గ్రాండ్ థియేట్రికల్ రిలీజ్ కానుంది.
