గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By
Last Updated : బుధవారం, 19 డిశెంబరు 2018 (13:02 IST)

నాడీ పోరాట కళా శిక్షణలో నిమగ్నమైన కాజల్ అగర్వాల్

ఎస్.శంకర్ - కమల్ హాసన్ కాంబినేషన్‌లో వచ్చిన చిత్రం "భారతీయుడు". ఈ చిత్రం రెండో భాగంరానుంది. ఇందుకు సంబంధించిన ఏర్పాట్లు చేస్తున్నారు. ఈ చిత్రంలో కాజల్ అగర్వాల్ ఓ హీరోయిన్. ఈ చిత్రం కోసం ఆమె నాడీ పోరాట కళా శిక్షణలో నిమగ్నమైంది. 
 
గతంలో నటి అనుష్క 'రుద్రమదేవి', 'బాహుబలి' చిత్రాల కోసం కత్తిసాము, గుర్రపుస్వారీ వంటి సన్నివేశాల్లో శిక్షణ తీసుకుని నటించింది. ఈ మధ్య నటి సమంత కూడా 'సీమరాజా' చిత్రం కోసం కర్రసాములో శిక్షణ తీసుకున్న విషయం తెల్సిందే. ఇక ఆ మధ్య నటి శ్రుతీహాసన్‌ 'సంఘమిత్ర' చిత్రం కోసం ఆస్ట్రేలియాలో కత్తిసాములో తర్ఫీదు పొందింది. అయితే అనివార్యకారణాల వల్ల ఆ చిత్రం ప్రారంభం కాలేదు. 
 
కాగా, ఇప్పుడు అందాలతార కాజల్‌ అగర్వాల్‌ సాహసాలు చేయడానికి సిద్ధం అవుతోంది. 'భారతీయుడు-2' చిత్రంలో నటించడానికి తనను తాను సిద్ధం చేసుకుంటోంది. ఈ అనూహ్య గొప్ప అవకాశాన్ని సద్వినియోగం చేసుకోవడానికి తన వంతు ప్రయత్నానికి ప్రిపేర్‌ అవుతోంది. 22 ఏళ్ల క్రితం వచ్చిన 'భారతీయుడు' చిత్రంలో కమలహాసన్‌ టైటిల్‌ పాత్ర నాడీ పోరాట కళతో అవనీతి పరులను శిక్షించిన విషయం తెలిసిందే. 
 
ఇప్పుడు ఆ నాడీ పోరాట కళను శంకర్‌ నటి కాజల్‌అగర్వాల్‌తో ప్రదర్శింపనున్నారు. ఇందుకోసం కాజల్‌ నాడీ పోరాట కళలో శిక్షణ తీసుకుంటోందట. ఈ కళ తనకు నిజజీవితంలోనూ ఉపయోగపడుతుందని భావించి సీరియస్‌గానే నాడీ పోరాట కళను నేర్చుకుంటున్నట్లు కాజల్‌ వర్గం పేర్కొన్నారు. పనిలో పనిగా కలరి(మలయాళంలో ప్రాచుర్య విద్య) విద్యలోనూ శిక్షణ పొందుతోందట. 
 
మొత్తం మీద 'భారతీయుడు-2' చిత్రంలో కాజల్‌ను ఒక పోరాట నారీగా చూడవచ్చునన్న మాట. ఈ చిత్ర ప్రారంభం ఆలస్యం అవుతోంది. నిజానికి ఈ నెల 14నే 'భారతీయుడు-2' చిత్రాన్ని ప్రారంభించనున్నట్లు, నిర్మాణ సంస్థ లైకా అధినేతలు వెల్లడించారు. అయితే ఈ భారీ చిత్రం కోసం రూ.2 కోట్ల వ్యయంతో వేస్తున్న బ్రహ్మాడ సెట్‌ పూర్తి కాకపోవడంతో జనవరి నుంచి ఈ చిత్రం షూటింగ్ ప్రారంభమయ్యే అవకాశముంది.