రోడ్డు ప్రమాదంలో కన్నడ నటి రేఖా సింధు మృతి: మరో ముగ్గురు కూడా?
టాప్ మోడల్, యాంకర్, నటి సోనికా చౌహాన్ ఇటీవల రోడ్డు ప్రమాదంలో ప్రాణాలు కోల్పోయిన ఘటన మరవక ముందే.. మరో కన్నడ నటి రేఖా సింధు రోడ్డు ప్రమాదంలోనే మృతి చెందింది. చెన్నై నుంచి బెంగళూరు వెళ్తుండగా ఆమె కారు పె
టాప్ మోడల్, యాంకర్, నటి సోనికా చౌహాన్ ఇటీవల రోడ్డు ప్రమాదంలో ప్రాణాలు కోల్పోయిన ఘటన మరవక ముందే.. మరో కన్నడ నటి రేఖా సింధు రోడ్డు ప్రమాదంలోనే మృతి చెందింది. చెన్నై నుంచి బెంగళూరు వెళ్తుండగా ఆమె కారు పెర్నాంబట్ సమీపంలో ప్రమాదానికి గురైంది. ఈ ఘోర రోడ్డు ప్రమాదంలో రేఖా సింధుతో పాటు మరో మగ్గురు ప్రాణాలు కోల్పోయారు.
మృతి చెందిన వారిని అభిషేక్ కుమారన్ (22), జయచంద్రన్ (23), రక్షణ్ (20)లుగా గుర్తించినట్లు పోలీసులు తెలిపారు. కన్నడ సీరియల్ నటి అయిన సింధు రోడ్డు ప్రమాదంలో మరణించడంతో పలువురు సెలెబ్రిటీలు దిగ్భ్రాంతి చెందారు. కన్నడ బుల్లితెర నటులు శోకసముద్రంలో మునిగిపోయారు. సింధు రేఖా కుటుంబీకులకు సంతాపం వ్యక్తం చేస్తున్నారు.
ఇదిలా ఉంటే గత శనివారం టాప్ మోడల్, యాంకర్, నటి సోనికా చౌహాన్ ఘోర రోడ్డు ప్రమాదంలో మృతి చెందిన సంగతి తెలిసిందే. ఆమె స్నేహితుడు, బెంగాలీ యువ నటుడు బిక్రమ్‌ ఛటోపాధ్యాయతో కలిసి కారులో వెళుతుండగా శనివారం ఉదయం లాకేమాల్‌ సమీపంలో ఈ ప్రమాదం జరిగింది. వీరు ప్రయాణిస్తున్న కారు అదుపు తప్పి డివైడర్‌‌ను ఢీకొని అనంతరం పేవ్‌మెంట్‌ ఎక్కేసింది.
ఈ విషయాన్ని గమనించిన స్థానికులు కారులో చిక్కుకుని, తీవ్రంగా గాయపడిన బిక్రమ్‌, సోనికాను హుటాహుటీన సమీపంలోని ఆస్పత్రికి తరలించారు. కానీ సోనికా అప్పటికే మరణించినట్లు వైద్యు నిర్ధారించారు. విక్రమ్ గాయాల నుంచి మెల్లమెల్లగా కోలుకుంటున్నట్లు వైద్యులు తెలిపారు.
