అవును.. అర్జున్ ఆ యువతిని గదిలోకి తీసుకురమ్మన్నారు..
మీ టూ ఉద్యమం ఊపందుకున్న వేళ... దక్షిణాది యాక్షన్ కింగ్ అర్జున్పై కూడా లైంగిక వేధింపుల ఆరోపణలు వెలుగులోకి వచ్చాయి. దక్షిణాదికి చెందిన భాషల్లో నటించి మంచి పేరు కొట్టేసిన అర్జున్పై హీరోయిన్ శృతి హరిహరన్ లైంగిక వేధింపుల ఆరోపణలు చేసింది. ఓ సినిమా షూటింగ్ సందర్భంగా, తన వీపుపై చేయి వేసి, తనను గట్టిగా హత్తుకున్నారని ఆమె ఆరోపించింది.
ఈ నేపథ్యంలో, అర్జున్ అభిమానుల నుంచి ఆమెకు బెదిరింపు ఫోన్ కాల్స్ కూడా వస్తున్నాయి. అయితే శృతి హరిహరన్‌కు విలక్షణ నటుడు ప్రకాష్ రాజ్ మద్దతు తెలిపాడు. శృతికి మద్దతివ్వాలని.. అలాగే మీ టూ వేధింపులకు గురైన మహిళలకు తన వైపు నుంచి మద్దతు లభిస్తుందని ప్రకాశ్ రాజ్ చెప్పాడు.
ఈ నేపథ్యంలో ప్రముఖ సినీ నటుడు అర్జున్పై మరో నటి లైంగిక ఆరోపణలు చేయడం సంచలనం రేపుతోంది. ఒక సినిమా షూటింగ్ సందర్భంగా వేరే యువతిని తన గదిలోకి తీసుకురమ్మని తనతో అర్జున్ చెప్పారని ఆమె వెల్లడించింది. ఆర్టిస్టులను సప్లయ్ చేసే వ్యక్తికి కూడా డబ్బు ఇచ్చి అమ్మాయిలను తెప్పించుకునేవారని చెప్పింది. ప్రస్తుతం కోలీవుడ్‌లో అర్జున్పై లైంగిక వేధింపుల ఆరోపణలపై చర్చ సాగుతోంది.
