‘థ్యాంక్యూ బాబాయ్’ అంటూ రానాకు నాని రీ ట్వీట్... "నిన్ను కోరి" టీజర్ రిలీజ్
నేచురుల్ స్టార్ నాని హీరోగా డివివి ఎంటర్‌టైన్‌‌మెంట్ పతాకంపై ప్రముఖ నిర్మాత డీవీవీ దానయ్య నిర్మిస్తున్న చిత్రం నిన్ను కోరి. ఈ చిత్రానికి శివ నిర్వాణ దర్శకత్వం వహిస్తుండగా, ఈనెల 23న విడుదల చేసేందుకు ప్
నేచురుల్ స్టార్ నాని హీరోగా డివివి ఎంటర్‌టైన్‌‌మెంట్ పతాకంపై ప్రముఖ నిర్మాత డీవీవీ దానయ్య నిర్మిస్తున్న చిత్రం నిన్ను కోరి. ఈ చిత్రానికి శివ నిర్వాణ దర్శకత్వం వహిస్తుండగా, ఈనెల 23న విడుదల చేసేందుకు ప్లాన్ వేశారు. ఇందులో హీరోయిన్‌గా నివేదా థామస్ నటిస్తోంది.
"ఈ అమ్మాయిలు కూడా అస్సలు అర్థం కారు బాసూ.. అన్ని అల‌వాట్లూ ఉన్నవాడిని ప్రేమిస్తారు.. ఏ అల‌వాట్లూ లేని వాడిని పెళ్లి చేసుకుంటారు’ అంటూ నాని చెప్పే డైలాగ్ అల‌రిస్తోంది. ఈ సినిమా టీజ‌ర్‌ను ఆ సినిమా యూనిట్ విడుదల చేయగా, దీన్ని హీరో రానా తిలకించి... ఈ టీజర్ ఎంతో బాగుంద‌ని, ఈ సినిమా యూనిట్‌కి బెస్ట్ విషెస్ చెబుతున్నాన‌ని తన ట్విట్ట‌ర్ ఖాతాలో పేర్కొన్నాడు.
రానా ట్వీట్‌కు హీరో నాని స్పందించారు. ‘థ్యాంక్యూ బాబాయ్’ అని కామెంట్ చేసి హ‌ర్షం వ్యక్తం చేశాడు. కాగా, గురువారం రాత్రి విడుదల చేసిన ఈ ట్వీట్‌కు అపుడే లక్షల్లో క్లిక్స్ వచ్చేశాయి. ఈ చిత్రంలో ఆది పినిశెట్టి కీలక పాత్రను పోషించారు.
