పవన్‌కు పిన్నిగా సునీత.. త్రివిక్రమ్ సినిమాకు డబ్బింగ్ ఆర్టిస్ట్ గ్రీన్ సిగ్నల్
పవన్ కల్యాణ్ ప్రస్తుతం ఏం చేస్తున్నారో.. ఏ సినిమాలో నటిస్తున్నారో ఎవరికీ అర్థం కావట్లేదు. ప్రస్తుతం గబ్బర్ సింగ్ 2లో నటిస్తున్నట్లు వార్తలొస్తున్న తరుణంలో.. ఈ సినిమాకు తర్వాత మళ్లీ అత్తారింటికీ దారేది ఫేమ్ త్రివిక్రమ్‌తో పవన్ సినిమా ఉంటుందని ఫిలిమ్ నగర్ వర్గాల్లో జోరుగా ప్రచారం సాగుతోంది. ఈ సినిమాలో పవన్‌కి పిన్నిగా గాయని సునీత నటించడానికి అంగీకరించడమే ప్రస్తుతం ఫిలిమ్ నగర్ వర్గాల్లో హాట్ టాపిక్‌గా మారింది.
సింగర్‌గా, డబ్బింగ్ ఆర్టిస్టుగా ఒక ప్రత్యేకమైన గుర్తింపును తెచ్చుకున్న సునీత.. ఇకపై నటిగానూ తెరపై కనిపించేందుకు గ్రీన్ సిగ్నల్ ఇచ్చేసిందని సమాచారం. అయితే ఈ పాత్ర చేయవలసిందేనంటూ తనని ఎవరూ సంప్రదించలేదని సునీత అంటోంది. అయితే ఫిలిమ్ నగర్ వర్గాల్లో మాత్రం పవన్ సినిమాలో తన రోల్ చాలా కీలకమని త్రివిక్రమ్ చెప్పాక ఒప్పుకుందని సమాచారం.
