శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By సెల్వి
Last Updated : శనివారం, 18 జులై 2020 (18:07 IST)

''విశ్వక్ సేన్'' ఐడియా అదిరిందిగా.. అఖిల్ ఆ ఛాన్స్ మిస్ చేసుకున్నాడా?

Vishwak Sen
''విశ్వక్ సేన్'' వెళ్లిపోమాకే అనే సినిమాతో హీరోగా అరంగేట్రం చేశాడు. ఆ తర్వాత ఈ నగరానికి ఏమైంది, ఫలక్ నుమా దాస్, హిట్ వంటి చిత్రాలతో సూపర్ హిట్ కొట్టాడు. ఇంకా సూపర్ క్రేజ్ సంపాదించుకున్నాడు. తాజాగా తమిళ సినిమా రీమేక్‌లో నటించాలని డిసైడ్ అయ్యాడు. అగ్ర నిర్మాత పివిపి ఈ చిత్రాన్ని నిర్మించబోతున్నారు. ముందుగా ఈ చిత్రాన్ని అఖిల్‌తో చేయాలని అనుకున్నారు. 
 
కానీ అఖిల్ వద్దనడంతో విశ్వక్ సేన్ ఈ చిత్రంలో నటించేందుకు గ్రీన్ సిగ్నల్ ఇచ్చాడట. తక్కువ బడ్జెట్ లోనే ఈ చిత్రాన్ని రూపొందించాలని నిర్మాత పివిపి భావిస్తున్నారట. ఓ యంగ్ డైరెక్టర్ ఈ చిత్రాన్ని తెరకెక్కించబోతున్నట్టు సమాచారం. అయితే డైలాగ్ రైటర్‌గా మాత్రం 'పెళ్ళి చూపులు' 'ఈ నగరానికి ఏమైంది' చిత్రాల దర్శకుడు తరుణ్ భాస్కర్ అయితే బాగుంటుందని హీరో విశ్వక్ సేన్.. నిర్మాత పివిపికి సూచించాడట. 
 
ఇందుకు తరుణ్ భాస్కర్ కూడా గ్రీన్ సిగ్నల్ ఇచ్చాడట. అంతేకాకుండా డైలాగ్స్ రాయడం మొదలెట్టాడట. గతంలో విశ్వక్ సేన్, తరుణ్ భాస్కర్‌లు 'ఈ నగరానికి ఏమైంది' 'ఫలక్ నుమా దాస్' వంటి చిత్రాలకు కలిసి పనిచేశారు. ఇద్దరూ మంచి ఫ్రెండ్స్ కూడా. అందుకే తరుణ్‌ను విశ్వక్ సిఫార్స్ చేసినట్లు తెలుస్తోంది. ఈ సినిమా తర్వాత విక్టరీ వెంకటేష్‌తో ఓ చిత్రాన్ని డైరెక్ట్ చెయ్యడానికి కూడా తరుణ్ భాస్కర్ రెడీ అవుతున్నాడని టాక్ నడుస్తుంది. మరి విశ్వక్ సేన్ చేపట్టిన ప్రాజెక్టును అఖిల్ ఎందుకు వద్దనుకున్నాడోనని సినీ వర్గాల్లో టాక్ వస్తోంది.