''విశ్వాసం'' తెలుగు ట్రైలర్ అదిరింది.. జగపతిబాబు పవర్‌ఫుల్‌గా (వీడియో)
తమిళ స్టార్ హీరో అజిత్, నయనతార జంటగా నటించిన ''విశ్వాసం'' సినిమా తమిళనాట సంక్రాంతికి విడుదలై దుమ్మురేపింది. ప్రస్తుతం ఈ సినిమా తెలుగులో విడుదలయ్యేందుకు సిద్ధమవుతోంది. ఈ చిత్రాన్ని సత్యజ్యోతి ఫిలింస్‌ అసోషియేషన్‌తో ఎన్‌.ఎన్‌.ఆర్‌ ఫిలింస్‌ పతాకంపై ఆర్‌.నాగేశ్వరరావు తెలుగు ప్రేక్షకులకు అందిస్తున్నారు. జగపతిబాబు పవర్‌ఫుల్‌ పాత్రలో నటించారు.
డబ్బింగ్ పూర్తి చేసుకుని ఈ చిత్రాన్ని మార్చి ఒకటో తేదీన విడుదలయ్యేందుకు రంగం సిద్ధం చేస్తున్నారు. అజిత్, శివ కాంబినేషన్‌లో వచ్చిన నాలుగో బ్లాక్‌ బస్టర్‌ ఇదని నాగేశ్వర రావు అన్నారు.
ఎందరో నిర్మాతలు పోటీ ఉన్నా ఫ్యాన్సీ ఆఫర్‌తో తెలుగు హక్కులను దక్కించుకున్నానని.. యాక్షన్‌ ఎంటర్‌టైన్‌మెంట్‌గా ఈ చిత్రం రూపుదిద్దుకోనుందని తెలిపారు. ఇకపోతే.. ఈ చిత్రానికి ఎడిటర్‌: రూబెన్‌, సంగీతం: డి.ఇమాన్‌, సినిమాటోగ్రఫీ: వెట్రి. తాజాగా ఈ సినిమా నుంచి ట్రైలర్‌ను విడుదల చేశారు. ఈ ట్రైలర్ మీరూ ఓ లుక్కేయండి.
