‘వై నాట్‌? నగ్నంగా కనబడడానికి నేను సిద్ధమే... అలా నటిస్తే తప్పేంటి : సనాఖాన్
వెండితెరపై నగ్నంగా నటిస్తే తప్పేంటి అని యువనటి సనాఖాన్ ప్రశ్నిస్తోంది. ఈ భామ... గతంలో కల్యాణ్‌ రామ్‌ హీరోగా వచ్చిన ‘కత్తి’ అనే సినిమాలో హీరోయిన్‌గా నటించింది. ఆ తర్వాత నాగార్జున ‘గగనం’ సినిమాలో కూడా క
వెండితెరపై నగ్నంగా నటిస్తే తప్పేంటి అని యువనటి సనాఖాన్ ప్రశ్నిస్తోంది. ఈ భామ... గతంలో కల్యాణ్‌ రామ్‌ హీరోగా వచ్చిన ‘కత్తి’ అనే సినిమాలో హీరోయిన్‌గా నటించింది. ఆ తర్వాత నాగార్జున ‘గగనం’ సినిమాలో కూడా కనిపించి... తెలుగులో ఆమెకు అవకాశాలు లేకపోవడంతో తెరమరుగైపోయింది.
అయితే అనుకోని విధంగా బాలీవుడ్‌లో ‘వజాహ్‌ తుమ్‌ హో’ అనే శృంగారభరిత మూవీలో అవకాశం వచ్చింది. అంతే.. సనాఖాన్ రెచ్చిపోయింది. అందివచ్చిన ఆ అవకాశాన్ని రెండు చేతులా అందిపుచ్చుకుంది. లిప్‌లాక్‌లు, బికినీ సీన్‌లు, ఇంటిమేట్‌ సీన్లతో బాలీవుడ్‌లో హాట్‌టాపిక్‌గా మారింది.
ఆ సినిమాలో అందాల విందు గురించి తొలిసారిగా స్పందిస్తూ బోల్డ్‌గా మాట్లాడింది. ‘మన సినిమాలు హాలీవుడ్‌ స్థాయికి వెళ్లాలనుకుంటాం. కానీ, ఆ స్థాయిలో గ్లామర్‌స్థాయిని మాత్రం జీర్ణించుకోలేకపోతున్నాం. మన ఆలోచనావిధాన్నాన్ని మార్చుకోవాల్సిన అవసరముంద’ని చిన్నపాటి లెక్చర్‌ దంచింది.
మరి, హాలీవుడ్‌ స్థాయిలో వెండితెరపై నగ్నంగా దర్శనమివ్వగలరా? అని అడిగితే.. ‘వై నాట్‌? ఓ నటిగా నగ్నంగా కనబడడానికి నేను సిద్ధమే. అందులో తప్పేముంది. ఇటీవల వచ్చిన 'పర్చేద్‌' సినిమలో రాధికా ఆప్టే నగ్నంగానే కనిపించింది కదా’ అంటూ ఘాటుగా బదులిచ్చింది.
