Widgets Magazine

కళ్యాణ్ దేవ్ "విజేత" మూవీ రివ్యూ ఎలా ఉందంటే...

గురువారం, 12 జులై 2018 (15:00 IST)

చిత్రం : విజేత 
నిర్మాణ సంస్థ‌: వారాహి చ‌ల‌న చిత్రం 
తారాగ‌ణం: క‌ల్యాణ్‌దేవ్‌, మాళ‌వికా నాయ‌ర్‌, ముర‌ళీ శ‌ర్మ‌, త‌నికెళ్ల భ‌ర‌ణి, నాజ‌ర్‌, ప్ర‌గ‌తి, క‌ల్యాణి న‌ట‌రాజ‌న్‌, జ‌య‌ప్ర‌కాశ్, రాజీవ్ క‌న‌కాల త‌దిత‌రులు
సంగీతం: హ‌ర్ష‌వ‌ర్ధ‌న రామేశ్వ‌ర్‌ 
నిర్మాత‌: ర‌జ‌నీ కొర్ర‌పాటి, సాయికొర్ర‌పాటి ప్రొడ‌క్ష‌న్స్‌ 
క‌థ‌, క‌థ‌నం, మాట‌లు, ద‌ర్శ‌క‌త్వం: రాకేశ్ శ‌శి 
 
మెగాస్టార్ చిరంజీవి ఫ్యామిలీ నుంచి వచ్చిన మరో హీరో. చిరంజీవి చిన్నకుమార్తె శ్రీజ భర్త కళ్యాణ్‌ దేవ్‌ను వెండితెరకు పరిచయం చేస్తూ నిర్మించిన చిత్రం "విజేత". తొలి సినిమాతో హీరోయిజం చూపించాలనే ఉద్దేశంతోకాకుండా మంచి ఫ్యామిలీ ఎంట‌ర్‌టైన‌ర్‌తో ప్రేక్ష‌కుల‌ను మెప్పించ‌డానికి చేసిన ప్రయ‌త్న‌మే ఈ చిత్రం. పాత చిరంజీవి టైటిల్‌తో రూపొందిన ఈ సినిమా తండ్రి కొడుకుల‌ అనుబంధాన్ని తెలియ‌జేసేదిగా ఉంది. మరి ఈ చిత్ర కథ ఎలా ఉందో ఓసారి పరిశీలిద్ధాం.
vijetha
 
విజేత కథ : 
శ్రీనివాసరావు (ముర‌ళీ శ‌ర్మ) స్టీల్ ఫ్యాక్టరీలో చిరుద్యోగి. పెద్ద స్టిల్ ఫోటోగ్రాఫ‌ర్‌గా పేరు తెచ్చుకోవాల‌నుకున్న శ్రీనివాస‌రావు కుటుంబ ప‌రిస్థితుల దృష్ట్యా జీవితంతో రాజీపడి సర్దుకుపోతుంటాడు. ఈయనకు ఓ కుమారుడు, ఓ కుమార్తె. కొడుకు పేరు రామ్‌(క‌ల్యాణ్ దేవ్‌). ఇంజ‌నీరింగ్ చ‌దివినా పనీబాటలేకుండా తిరుగుతుంటాడు. రామ్ ఎదురింట్లో జైత్ర ‌(మాళ‌వికా నాయ‌ర్‌) అద్దెకు వ‌స్తారు. ఈమెను చూడగానే మనసు పారేసుకునే రామ్... ఆమెను ఆకర్షించేందుకు లేనిపోని ప్రయత్నాలన్నీ చేస్తుంటాడు. ఇందుకోసం ఈవెంట్ మేనేజ్‌మెంట్ ప్లానింగ్ ప్రోగ్రామ్‌ను స్టార్ట్ చేస్తాడు. ప్రారంభంలో త‌ప్పులు జ‌రిగి చెడుపేరు వస్తుంది. 
 
అదేస‌మ‌యంలో శ్రీనివాస‌రావుకి గుండెపోటు వ‌స్తుంది. శ్రీనివాస‌రావు త‌ను లేక‌పోతే త‌న కుటుంబం ఏమైపోతుందోన‌ని లోలోపన మథనపడిపోతుంటారు. అది చూసిన శ్రీనివాస‌రావు స్నేహితుడు (త‌నికెళ్ల‌భ‌ర‌ణి).. రామ్‌కి శ్రీనివాస‌రావు గురించి నిజం చెప్పి.. కుటుంబానికి తోడుగా నిల‌బ‌డ‌మ‌ని కోరతాడు. రామ్ కూడా అప్పటినుంచి దారి మార్చుకుని తండ్రికి చేదోడువాదోడుగా ఉంటుంటాడు. ఆ సమయంలో ఎలాంటి మార్పులు చోటు చేసుకుంటాయి? కొడుకుగా శ్రీనివాస‌రావు క‌ల‌ను ఎలా తీర్చాడ‌నేదే మిగిలిన కథ. దీన్ని వెండితెరపై చూడాల్సిందే. 
 
టెక్నికల్ విశ్లేష‌ణ‌:
న‌టీన‌టుల విష‌యానికి వ‌స్తే.. క‌ల్యాణ్‌దేవ్ నటన అంతంతమాత్రంగానే ఉంది. ఈ సినిమాకు ముర‌ళీశ‌ర్మ న‌ట‌న ప్రాణం పోసిందని చెప్పొచ్చు. సినిమాలో ఎమోష‌న‌ల్ కంటెంట్ అంత‌టినీ ముర‌ళీశ‌ర్మ క్యారీ చేశాడు. త‌న‌దైన న‌ట‌న‌తో, అనుభ‌వంతో పాత్ర‌కు ప‌రిపూర్ణ‌త చేకూర్చాడు. ఇక జ‌య‌ప్ర‌కాశ్‌, త‌నికెళ్ల‌భ‌ర‌ణి, మాళ‌వికా నాయర్‌, ప్ర‌గ‌తి ఇత‌రుల న‌ట‌న వారి వారి ప‌రిధి మేర చ‌క్క‌గా న‌టించారు. మాళ‌వికా నాయ‌ర్ పేరుకు హీరోయిన్ కానీ... ఆ పాత్ర‌లో న‌ట‌న‌కు పెద్ద‌గా స్కోప్ లేదు. 
 
ఇక సాంకేతికంగా చూస్తే.. దర్శ‌కుడు రాకేశ్ శ‌శి ఫ‌స్టాఫ్ అంతా హీరో క్యారెక్ట‌రైజేష‌న్ చుట్టూనే సినిమాను న‌డిపించాడు. హీరో జులాయిగా తిర‌గ‌డం.. తండ్రి బాధ్య‌త‌ల‌ను తెలుసుకోక‌పోవ‌డం వంటి త‌ర‌హా క్యారెక్ట‌ర్‌తో నింపేశాడు. హీరో, అత‌ని స్నేహితుల మధ్య వచ్చే హాస్యపు సన్నివేశాలు కూడా పెద్దగా ఆకట్టుకునేలా లేవు. ఇక సినిమా ద్వితీయార్థం అంతా హీరో బాధ్య‌త‌గా మెల‌గ‌డం.. తండ్రి కల‌ను తీర్చ‌డానికి కొడుకుగా త‌న వంతు బాధ్య‌త‌ను నేర‌వేర్చ‌డం వాటి సంద‌ర్భానుసారం వ‌చ్చే స‌న్నివేశాలు బావున్నాయి. సంభాష‌ణ‌లు అక్క‌డ‌క్క‌డా బావున్నాయి. సెంథిల్ కెమెరా ప‌నిత‌నం గురించి మ‌నం కొత్త‌గా చెప్ప‌న‌క్క‌ర్లేదు. హ‌ర్ష‌వర్ధ‌న్ రామేశ్వ‌ర్ అందించిన ట్యూన్స్ ఓకే. నేప‌థ్య సంగీతం బాగానే ఉంది. మొత్తంగా చూస్తే ఓ ఎమోష‌న‌ల్ ట‌చ్‌తో సాగే చిత్ర‌మిది.
 
ఈ చిత్రం ప్లస్ పాయింట్స్‌ను పరిశీలిస్తే, మురళీ శర్మ నట, చిత్రం రెండో భాగం, తండ్రి కొడుకుల మ‌ధ్య సెకండాఫ్‌లో వ‌చ్చే స‌న్నివేశాలు, కెమెరా వర్క్ బాగున్నాయి. ఇక మైనస్ పాయింట్ల విషయానికొస్తే, తొలి భాగం రొటీన్‌గా సాగడం, హాస్యం పండగపోవడం. మొత్తానికి ఈ చిత్రం తండ్రి గొప్పతనాన్ని చెప్పే చిత్రంగా పేర్కొనవచ్చు. 


Widgets Magazine
Widgets Magazine

దీనిపై మరింత చదవండి :  
మూవీ రివ్యూ కళ్యాణ్ దేవ్ మెగా ఫ్యామిలీ మాళవికా నాయర్ Vijetha Rating Kalyan Dev Malavika Nair విజేత Mega Family Hero Vijetha Movie Review

Loading comments ...

తెలుగు సినిమా

news

శ్రీరెడ్డి #tamilleaks.. మురుగదాస్, శ్రీకాంత్‌‌ పేర్లు.. కోలీవుడ్‌లో ఇంకా ఎవరి పేర్లొస్తాయో?

టాలీవుడ్‌లో క్యాస్టింగ్ కౌచ్‌పై పోరాటం చేస్తున్న శ్రీరెడ్డి.. ప్రస్తుతం లీక్స్ ...

news

ఏంటి బిగ్ బాస్... ఈ టాస్కులు... కాస్త ఆలోచిస్తే బాగుంటుందేమో?

బిగ్‌బాస్‌ ఇంటి తలుపులు తెరుచుకుని 30 రోజులు గడిచిపోయాయి. అయినా ఇంకా పూర్తిగా గాడిలో ...

news

ఆ రోజు హైదరాబాద్ పార్క్ హోటల్లో ఏం చేశావో గుర్తుందా? 'రోజాపూలు' హీరోకు శ్రీరెడ్డి షాక్

టాలీవుడ్ ఇండస్ట్రీలోని హీరోలు, దర్శకులపై క్యాస్టింగ్ కౌచ్ అంటూ విమర్శనాస్త్రాలు సంధించిన ...

news

సమంతకు అది చాలా ఇష్టం... నాగచైతన్య (video)

''ఏ మాయ చేసావె'' సినిమాతో తెరంగేట్రం చేసి టాలీవుడ్ టాప్ హీరోయిన్‌గా ఎదిగిన సమంత ...