భార్యాభర్తలను రోడ్డుపైనే కాల్చి చంపేసిన పోలీస్.. వీడియో వైరల్.. అసలేం జరిగింది..?
అసలేం జరిగింది..? ఇదే డౌట్ ప్రస్తుతం సోషల్ మీడియాను చూసిన నెటిజన్లంతా అడిగే ప్రశ్న. సోషల్ మీడియాలో రోజుకో వీడియో నెట్టింట వైరల్ అవుతున్న సంగతి తెలిసిందే. తాజా వీడియో భయాందోళనకు గురిచేస్తోంది. ఇంతకీ ఆ వీడియోలో ఏముందంటే..? నడిరోడ్డుపై భార్యాభర్తలను ఓ పోలీస్ ఆఫీసర్ కాల్చి చంపేశారు. ఈ వీడియోపై సదరు పోలీస్ ఆఫీస్ వివరణ కూడా ఇచ్చారు.
హర్యానాలోని ఓ కేఫ్ ముందు వున్న జంటను యూనిఫామ్‌లో ఉన్న పోలీస్ అధికారి తన చేతులో ఉన్న గన్‌తో కాల్చేశాడు. దీంతో వారిద్దరూ నేలపై పడిపోయారు. ఇది చూసిన చుట్టు పక్కన ఉన్న వారంతా ఒక్కసారిగా అరవడం మొదలు పెట్టారు. ప్రస్తుతం ఈ సన్నివేశాలకు సంబంధించిన వీడియో ఫేస్‌బుక్‌, వాట్సాప్‌లలో బాగా వైరల్ అవుతోంది. 22 సెకన్లున్న ఈ వీడియోను చూసి ఇది ఎక్కడ జరిగింది? ఎందుకు జరిగింది? అని చర్చించుకున్నారు. దీంతో ఈ వీడియో కాస్త చివరికి పోలీసు అధికారుల దృష్టికి చేరుకుంది.
దీనిపై పోస్ట్‌మార్టం నిర్వహించిన పోలీసులు ఇది ఒక ఫేక్‌ వీడియో అని తేల్చి చెప్పారు. ఆ వీడియోలో ఉంది నటీనటులు.. ఆ వీడియో ఓ వెబ్ సిరీస్‌లో భాగంగా తెరకెక్కించదని పోలీసులు తేల్చారు. ఈ వీడియోను రాహుల్‌ శ్రీ వాస్తవ్‌ అనే పోలీసు అధికారి తన ట్విట్టర్‌ ఖాతాలో షేర్‌ చేశారు. ఈ వీడియో ఓ వెబ్ సిరీస్ కోసం చిత్రీకరించబడిందని స్పష్టం చేశారు. ఈ వీడియోలో వున్న నటీనటుల పేర్లు శ్వేతా సిన్హా, దేవ్.. అంటూ వివరణ ఇచ్చారు.
