బాహ్య సౌందర్యానికి మహిళలు అత్యంత ప్రాధాన్యతనిస్తారు. పక్కా పల్లెటూరు అమ్మాయి నుంచి మెట్రోనగరాల్లో జీవించే మహిళ వరకు బాహ్య సౌందర్యం పట్ల ప్రత్యేక శ్రద్ధ తీసుకుంటారు. ఇందుకోసం తమకు అందుబాటులో అన్ని రకాల కాస్మోటిక్స్ను కొనుగోలు చేస్తుంటారు. అయితే, కరోనా వైరస్ దెబ్బకు ఈ కాస్మోటిక్స్ విక్రయాలు గణనీయంగా పడిపోయాయట. ముఖ్యంగా పెదవులకు వేసుకుని లిప్స్టిక్ విక్రయాలు పూర్తిగా తగ్గిపోయాయట. అదేసమయంలో నెయిల్ పాలిషన్ రంగులు విక్రయాలు మాత్రం ఏకంగా 24 శాతం మేరకు పెరిగాయట. లిప్స్టిక్లపై పెద్దగా శ్రద్ధ చూపని అమ్మాయిలు, మహిళలు, గోళ్ళను మరింత అందంగా ఉంచుకునేందుకు అధిక సమయం వెచ్చిస్తున్నారట.