వైసిపి వైనాట్ 175 స్ట్రాంగ్ హిట్, కార్యకర్త రూ. 30 కోట్లు బెట్టింగ్, ఓటమితో సూసైడ్
ఈ ఏడాది సార్వత్రిక ఎన్నికల సందర్భంగా ఆంధ్రప్రదేశ్‌లో బెట్టింగ్‌లు జోరందుకున్నాయి. పోలింగ్ రోజు నుంచి కౌంటింగ్ రోజు వరకు రాష్ట్రవ్యాప్తంగా కోట్లాది రూపాయలు చేతులు మారాయి. రాష్ట్ర వ్యాప్తంగా ప్రజలు తాము పాతుకుపోయిన పార్టీలు, నేతలపై భారీగా పందాలు కాశారు.
వీరిలో కొందరు భారీ మొత్తంలో సొమ్ములు ముట్టజెప్పగా, మరికొందరు కోట్లాది రూపాయలు నష్టపోయారు. ఏలూరు జిల్లాలో జరిగిన దారుణ ఘటనలో రూ.కోటి పందెం కాసి ఓ వ్యక్తి ఆత్మహత్య చేసుకున్నాడు. మొత్తం రూ.30 కోట్ల వరకు బెట్టింగ్ కాసారని తెలుస్తోంది. అయితే రూ.30 కోట్లు తిరిగి చెల్లించలేకపోయారు.
వివరాల్లోకి వెళితే.. నూజివీడు మండలం తూరుపూడిగవల్లి గ్రామంలో 7వ వార్డు సభ్యుడు జగ్గవరపు వేణు గోపాల్ రెడ్డి (52) అతని భార్య గ్రామ సర్పంచ్. వీరంతా వైఎస్సార్‌ కాంగ్రెస్‌ పార్టీ మద్దతుదారులు. ఇటీవల జరిగిన ఎన్నికల్లో వైసీపీ గెలుపుపై వేణు గోపాల్ రెడ్డి బెట్టింగ్‌లు కట్టారు. ఎన్నికల ఫలితాలు వెలువడి వైసీపీ ఓడిపోవడంతో ఊరు విడిచి వెళ్లిపోయారు. ఇంకా తిరిగి రాలేదు. ఆయన ఎవరి కాల్స్‌కి కూడా స్పందించలేదు. జూన్ 7న అతనిపై పందెం కాసిన వారు అతని ఇంటికి వెళ్లి తాళం పగులగొట్టి ఏసీలు, సోఫాలు, మంచాలు, ఇతర సామాగ్రిని ఎత్తుకెళ్లారు.
ఈ ఘటనతో బెట్టింగ్ చేసిన అప్పులు తీర్చలేక మనస్తాపానికి గురై పొలానికి వెళ్లి పురుగుల మందు తాగి ఆత్మహత్యకు పాల్పడ్డాడు. ఆరా మస్తాన్ ద్వారా ఫేక్ సర్వేతో, వైజాగ్‌లో ప్రమాణ స్వీకారోత్సవ ప్రకటనతో క్యాడర్‌ను తప్పుదారి పట్టించారని... ఏపీ మాజీ సీఎం జగన్ దీనికి బాధ్యత వహించాలని సోషల్ మీడియాలో ప్రజలు డిమాండ్ చేస్తున్నారు.
