ముద్దు పెట్టకుంటే మీ అమ్మకు ఆ సెల్ఫీ చూపిస్తా?

Last Updated: సోమవారం, 15 ఏప్రియల్ 2019 (11:54 IST)
అమ్మాయిలు, అబ్బాయిల స్నేహం విషయంలో ఎంత జాగ్రత్తగా ఉండాలో చెప్పకనే చెప్పే ఘటన ఒకటి తాజాగా జరిగింది. స్నేహంగా ఉన్నపుడు తీసుకున్న ఓ సెల్ఫీని అడ్డుపెట్టుకుని ఓ యువకుడు ఓ యువతిని బలవంతంగా ముద్దు పెట్టాలని డిమాండ్ చేస్తూ బెదిరింపులకు పాల్పడ్డాడు. చివరకు ఆ యువతి ఫిర్యాదుతో జైలుపాలయ్యాడు.

తాజాగా వెలుగులోకి వచ్చిన ఈ వివరాలను పరిశీలిస్తే, చెన్నైలోని మడిపాక్కంకు చెందిన ఓ యువతి(18) ఇంజనీరింగ్ మొదటి సంవత్సరం చదువుతోంది. ఈ క్రమంలో ఆమెకు చిన్నప్పటి నుంచి పరిచయం ఉన్న శ్రీనాథ్ ప్రేమిస్తున్నానని వెంటపడటం మొదలుపెట్టాడు. అయితే యువతి అతని ప్రేమను సున్నితంగా తిరస్కరించింది.

ఈ క్రమంలో మహాబలిపురానికి వెళ్లిన సమయంలో యువకుడు యువతితో కలిసి సెల్ఫీ దిగాడు. తనకు ముద్దు ఇవ్వాలనీ, లేదంటే ఈ సెల్ఫీని కుటుంబ సభ్యులకు చూపుతానని, సోషల్ మీడియాలో పెడతానని యువతిని బెదిరించాడు.

దీంతో భయపడిన ఆ యువతి ముద్దు ఇచ్చేందకు సిద్ధపడింది. ఆమె యువకుడికి ముద్దు ఇస్తుండగా నిందితుడి స్నేహితుడు ఈ తతంగాన్ని ఫొటో తీశాడు. చివరికి అతని వేధింపులు హద్దు దాటడంతో తల్లిదండ్రులకు బాధితురాలు అసలు విషయం చెప్పింది. దీంతో తల్లిదండ్రులు పోలీసులకు ఫిర్యాదు చేయగా, శ్రీనాథ్‌తో పాటు అతడి స్నేహితుడిని పోలీసులు ఆదివారం రాత్రి అరెస్టు చేశారు.



దీనిపై మరింత చదవండి :