తాతయ్యతో బాలిక.. వైకాపా గ్రామ సర్పంచ్ అత్యాచార యత్నం.. ఎక్కడ?
మైనర్ బాలికపై కడదొడ్డి గ్రామ సర్పంచ్ అత్యాచార యత్నానికి పాల్పడిన ఘటన ఆలస్యంగా వెలుగులోకి వచ్చింది. వివరాల్లోకి వెళితే.. బాధితురాలి తల్లిదండ్రులు జీవనోపాధి కోసం వేరే ప్రాంతానికి వలస వెళ్లారు. వారి 13 ఏళ్ల కుమార్తెను ఆమె తాతయ్య వద్ద వదిలి కోసిగి మండలం, మంత్రాలయం నియోజకవర్గంలోని గ్రామంలో ఉన్నారు.
బాలిక జెడ్పీ ఉన్నత పాఠశాలలో ఎనిమిదో తరగతి చదువుతోంది. అక్టోబర్ 30వ తేదీ రాత్రి బాలిక, ఆమె తాత తమ ఇంట్లో నిద్రిస్తుండగా, వైఎస్‌ఆర్‌సీపీకి చెందిన గ్రామ సర్పంచ్ హుస్సేన్, అతని స్నేహితులు వీ వినోద్, ఎం సూరితో కలిసి బాధితురాలి ఇంటికి వెళ్లి ఆమెపై అత్యాచారానికి యత్నించారు.
బాలిక అరుపులు విన్న తాత మేల్కొని సర్పంచ్‌ను పట్టుకునేందుకు ప్రయత్నించాడు. అయితే ఆ ముగ్గురూ తప్పించుకోగలిగారు. మరుసటి రోజు తాతయ్య ఫిర్యాదు మేరకు కోసిగి పోలీసులు ఫిర్యాదు చేసి దర్యాప్తు చేపట్టారు. పరారీలో ఉన్న ముగ్గురు నిందితుల కోసం గాలిస్తున్నారు.
