వర్క్‌ఫోర్స్‌లో లెర్నింగ్ డిసేబిలిటీ సమస్యలున్న వ్యక్తులకు అమెజాన్ ఇండియా ఉద్యోగావకాశాలు
విభిన్నమైన, సమిష్టి వర్క్‌ఫోర్స్‌ను రూపొందించేందుకు తన నిరంతర ప్రయత్నంలో అరోరాను ప్రారంభిస్తున్నట్లు అమెజాన్ ఇండియా ప్రకటించింది. ఇది అభ్యాస వైకల్యాలు ఉన్న వ్యక్తులలలో ప్రత్యేక ప్రతిభను పెంచేందుకు, వారికి అర్ధవంతమైన, స్థిరమైన ఉపాధిని అందించేలా దీన్ని రూపొందించారు. ముంబయిలోని కంపెనీ డెలివరీ స్టేషన్‌లోని యువకుల బ్యాచ్‌లోని ప్రతిభను ఉపయోగించుకోవడంలో ఆటిస్టిక్, మేధో వైకల్యం సమస్యలతో ఇబ్బందులు ఎదుర్కొంటున్న వారికి వృత్తిపరమైన శిక్షణనిచ్చే, ముంబయి, ఢిల్లీ, బెంగళూరు, చెన్నై, హైదరాబాద్‌లలోని లాభాపేక్షలేని సంస్థ సోల్‌లోని ఏఆర్‌సి(ARC)తో కలిసి అమెజాన్ ఇండియా పనిచేసిన విజయవంతమైన ప్రారంభిక కార్యక్రమాన్ని ఈ ప్రకటన అనుసరించింది. మా ఫుల్‌ఫిల్‌మెంట్ కేంద్రం, క్రమబద్ధీకరణ కేంద్రం, డెలివరీ స్టేషన్ ప్రాంతాలలో ఇప్పుడు 35 మంది అసోసియేట్‌లు పనిచేస్తున్నారు. అమెజాన్ ఇండియా ఈ ఏడాది ఈ తరహా వైకల్యం ఉన్న చాలామందిని తన వర్క్ ఫోర్సులోకి చేర్చుకోవాలని లక్ష్యాన్ని నిర్దేశించుకుంది.
ఈ ప్రోగ్రామ్‌ను ప్రారంభించిన సందర్భంగా, అమెజాన్ ఇండియా హెచ్‌ఆర్ ఆపరేషన్స్ డైరెక్టర్ లిజు థామస్ మాట్లాడుతూ, “అమెజాన్‌లో, మా కస్టమర్ బేస్‌ను ప్రతిబింబించేలా విభిన్నమైన వర్క్‌ఫోర్స్‌ను సృష్టించడం పట్ల మేము మక్కువ చూపుతూ, మేము విభిన్న దృక్కోణాలను కలిగి ఉన్నాము. కార్యాలయంలో వైవిధ్యంతో మెరుగైన, సమిష్ఠి వాతావరణాన్ని సృష్టించడంలో సహాయపడుతుందని మేము దృఢంగా విశ్వసిస్తున్నాము. తక్కువ ప్రాతినిధ్యం ఉన్న వారికి అవకాశాలను సృష్టించేందుకు మేము పెట్టుబడి పెట్టాము. అమెజాన్ కొత్త నాయకత్వ సూత్రం ‘‘భూమికి ఉత్తమ యజమానిగా ఉండేందుకు ప్రయత్నించండి’’ అనే నినాదంతో, మేము మా ఉద్యోగులకు విలువ, అవకాశాల భావాన్ని కలిగి ఉండేలా, స్వాగతించే మరియు కలుపుకొని వెళ్లే సంస్కృతిని నిర్మించేందుకు మా ప్రయత్నాలను మరింత బలోపేతం చేసాము. ‘‘అరోరా’’ అనేది అభ్యాస వైకల్యం ఉన్న వ్యక్తుల కోసం నిజంగా కలుపుకొని, సమానమైన కార్యాలయాన్ని సృష్టించే దిశగా మరొక చొరవ’’ అని వివరించారు.
ముంబయి అమెజాన్ డెలివరీ స్టేషన్‌లో అభ్యసన వైకల్యాన్ని కలిగిన అసోసియేట్ ఖుషీ ఠక్కర్ సోల్స్ ఆర్క్‌ సహకారంతో అమెజాన్ పైలట్ ప్రోగ్రామ్‌లో చేరారు. ఈ కార్యక్రమం ఆమె ఆత్మవిశ్వాసాన్ని, సామాజిక నైపుణ్యాలను పెంపొందించింది. దీని గురించి ఆమె మాట్లాడుతూ, ‘‘నేను కార్యాలయంలో భాగమవుతానని ఎప్పుడూ అనుకోలేదు. అమెజాన్‌లో నేను వినియోగదారుల ఆర్డర్‌లను స్కాన్ చేయడం, క్రమబద్ధీకరించడాన్ని నేర్చుకుంటున్నాను. సీనియర్లు, నా సహోద్యోగుల మద్దతుతో, నేను పనిలో కూడా కొత్త విషయాలు నేర్చుకుంటున్నాను. నేను చాలా సంతోషంగా ఉన్నాను. సోల్స్ ఆర్క్‌లోని నా తల్లిదండ్రులు, ఉపాధ్యాయులు నా గురించి చాలా గర్వపడుతున్నారు!’’ అని పేర్కొన్నారు.
అభ్యాస వైకల్యాలు ఉన్న ప్రతిభావంతులను నియమించుకోవడంతో పాటు, అమెజాన్ తన అరోరా ప్రోగ్రామ్ ద్వారా గ్రౌండ్‌వర్క్ మరియు సపోర్ట్ మెకానిజమ్‌లను నిర్మించడంపై దృష్టి పెడుతుంది, ఉద్యోగుల అవగాహనను పెంచడం మరియు అభ్యాస వైకల్యాలు ఉన్నవారికి మిత్రులుగా ఉండటానికి ఉద్యోగులను ప్రేరేపించడం వంటివి ఇందులో ఉన్నాయి. ఇప్పటికే ఉన్న ఉద్యోగులకు శిక్షణా సెషన్‌లు ఎక్కువ చేస్తూ, వారికి ఈ బృందం పట్ల మరింత సున్నితత్వాన్ని పొందడంలో సహాయపడతాయి. అమెజాన్ ఇండియా కూడా ఇప్పటికే ఉన్న గ్లోబల్ ప్రాక్టీసులను నేర్చుకుంటూ, ఉపయోగిస్తుంది. భారతదేశంలోని ఉద్యోగుల అవసరాలను తీర్చేందుకు అవసరమైన విధంగా వాటిని రూపొందిస్తుంది. సానుకూల అనుభవాన్ని అందించేందుకు తగిన జోక్యాలను నిర్ధారించేందుకు వారి అభిప్రాయాన్ని అర్థం చేసుకునేందుకు సహచరులతో లిజనింగ్ సెషన్‌లు నిర్వహించబడతాయి.
