వార్నర్ సినిమాల్లోకి వస్తాడా? ఎన్టీఆర్‌లా అదరగొట్టాడుగా..?

David Warner
సెల్వి| Last Updated: బుధవారం, 25 నవంబరు 2020 (16:48 IST)
David Warner
ఆస్ట్రేలియా బ్యాట్స్‌మన్ డేవిడ్ వార్నర్ సోషల్ మీడియాలో యాక్టివ్ వుంటాడనే సంగతి తెలిసిందే. గతంలో అల వైకుంఠపురంలోని బుట్టబొమ్మ పాటకు స్టెప్పులేసిన వార్నర్.. తాజాగా ఆ పాట 400 మిలియన్ల వ్యూస్ చేరుకోవడంతో అల్లు అర్జున్‌ను ప్రశంసిస్తూ.. సోషల్ మీడియాలో పోస్టు చేశాడు.

ప్రస్తుతం డేవిడ్ వార్నర్ సామాజిక మాధ్యమాల్లో మరోసారి అభిమానులను అలరించాడు. తాజాగా ఎన్టీఆర్‌ నటించిన అరవింద సమేత వీర రాఘవ చిత్రంలోని ఓ ఫైట్‌ సన్నివేశాన్ని ఇన్‌స్టాగ్రామ్‌లో అతనిలా నటిస్తూ ఉన్న వీడియోను అభిమానులతో పంచుకున్నాడు.

ఎన్టీఆర్ ఫేస్‌ స్థానంలో అతడు ముఖాన్ని కనిపించేలా వీడియోను ఎడిట్ చేసి పోస్ట్ చేశాడు. ''ఇది ఎలా ఉంది. ఇది ఏ సినిమాకు సంబంధించింది.. ఇందులో హీరో ఎవరూ? ఎక్కువ మంది దీనికి సమాధానం చెప్పలేరెమో'' అంటూ ఓ క్యాప్షన్ జత చేశాడు.

ఈ వీడియో పోస్ట్ చేసిన కొద్దిక్షణాల్లోనే లక్షలా సంఖ్యాలో లైకులు వచ్చాయి. కామెంట్లు వెల్లువెత్తాయి. కాగా.. టాలీవుడ్ టాప్ హీరోలు అల్లు అర్జున్, మహేష్ బాబులను అనుకరించిన వార్నర్.. ప్రస్తుతం ఎన్టీఆర్‌‌ను ఈ వీడియోతో ఫాలో అయ్యాడు.

కాగా గతంలో పోకిరి సినిమా డైలాగ్ చెప్పినపుడు దర్శకుడు పూరీ జగన్నాథ్ చూసి తన సినిమాలో అవకాశం కూడా ఇస్తానని చెప్పాడు. మొత్తానికి డేవిడ్ వార్నర్‌ సినిమాల్లోకి వచ్చే ఛాన్సులు కూడా వున్నాయని టాలీవుడ్ జనం అనుకుంటున్నారు.



దీనిపై మరింత చదవండి :