విరాట్ కోహ్లీకి బర్త్ డే.. సోషల్ మీడియాలో అనుష్క శర్మ ఫోటోలు..
టీమిండియా కెప్టెన్ విరాట్ కోహ్లీకి నవంబర్ 5న పుట్టిన రోజు. అంతర్జాతీయ ట్వంటీ-20 మ్యాచ్‌ల్లో అత్యంత వేగంగా వెయ్యి పరుగులు సాధించిన రికార్డును కోహ్లీ ఇంతవరకే సొంతం చేసుకున్నాడు. ఈ రికార్డును పాకిస్థాన్ బ్యాట్స్‌మెన్ బాబర్ ఆజం బద్దలుకొట్టాడు. న్యూజిలాండ్‌తో ఆదివారం జరిగిన చివరి టీ20 మ్యాచ్‌లో ఓపెనర్‌గా బరిలోకి దిగిన బాబర్ 58 బంతుల్లో 79 పరుగులు చేశాడు.
48 పరుగుల వ్యక్తిగత స్కోరు వద్ద అతను వెయ్యి పరుగుల మైలు రాయిని అందుకున్నాడు. కేవలం 26 ఇన్నింగ్స్ లలోనే బాబర్ ఈ ఘనతను సాధించి... కోహ్లీని వెనక్కి నెట్టేశాడు. కోహ్లీ 27 ఇన్నింగ్స్‌లలో వెయ్యి పరుగులు సాధించాడు.
కాగా కోహ్లీ పుట్టిన రోజును పురస్కరించుకుని.. అనుష్క శర్మ కొన్ని ఫోటోలను సోషల్ మీడియాలో పోస్టు చేసింది. అనుష్క శర్మ కోసం శాకాహారిగా మారిన కోహ్లీ.. రోటీ, రైస్, బాగా స్వీట్స్ తీసుకుంటున్నాడు. సోమవారం (నవంబర్ 05)న కోహ్లీ 30వ ఏట అడుగుపెట్టాడు.
ఈ సందర్భంగా క్రికెట్ ప్రముఖులు సోషల్ మీడియా ద్వారా శుభాకాంక్షలు తెలిపారు. దేవుడు తనకోసం కోహ్లీని పుట్టేలా చేశాడని.. ఆయనకు థ్యాంక్స్ చెప్తూ అనుష్క శర్మ తెలిపింది. అలాగే టీమిండియా మాజీ కెప్టెన్ మహేంద్ర సింగ్ ధోనీ కూడా కోహ్లీకి శుభాకాంక్షలు తెలిపాడు.
