Widgets Magazine

మహా సంప్రోక్షణం.. బోసిపోయిన వెంకన్న ఆలయం.. 18వేల మందే..?

సోమవారం, 13 ఆగస్టు 2018 (13:04 IST)

శ్రీ వేంకటేశ్వర స్వామి ఆలయం బోసిపోయింది. భక్తులు లేకుండా వెలవెలబోయింది. మహా సంప్రోక్షణంలో భాగంగా వెంకన్న ఆలయంలో భక్తుల రద్దీ బాగా తగ్గిపోయింది. నిత్యం భారీ సంఖ్యలో భక్తులతో కిటకిటలాడే శ్రీవారి ఆలయం ప్రస్తుతం నిర్మానుష్యంగా కనిపిస్తోంది. అలిపిరి వద్ద వాహనాల అలికిడి కనిపించడం లేదు. సప్తగిరులు భక్తులు లేకుండా కనిపిస్తున్నాయి.
Tirumala
 
మహా సంప్రోక్షణం సందర్భంగా చాలా తక్కువ మందికే దర్శనం ఉంటుందని ముందునుంచి విస్తృతంగా చేపట్టిన ప్రచారం ఫలితాన్నిచ్చింది. శనివారం నాడు అంకురార్పణ రోజు దాదాపు 51 వేల మందికి దర్శనం చేసుకునే అవకాశం ఉన్నా 33,106 మంది మాత్రమే వచ్చారు. ఆదివారం 29,900 మంది స్వామిని చూసే వీలున్నా, 18 వేల మంది మాత్రమే దర్శనానికి వచ్చారు. దీంతో శ్రీవారి హుండీ ఆదాయం కేవలం రూ. 73 లక్షలుగా నమోదైంది.
 
2006లో ఇదే మహా సంప్రోక్షణ సమయంలో భక్తులు విరివిగా వచ్చారని, అప్పటితో పోలిస్తే, ఇప్పుడు చాలా తక్కువ సంఖ్యలో భక్తులు వచ్చారని, కోట్లల్లో జరిగే వ్యాపారం లక్షల్లోకి పడిపోయిందని తితిదే అధికారులు తెలిపారు. అలాగే పెద్ద నోట్ల రద్దు తరువాత ఏర్పడినంత నష్టాన్ని ఇప్పుడు మళ్లీ చూస్తున్నామని కొండపై దుకాణదారులు వాపోతున్నారు. ఇక తిరుపతి నుంచి తిరుమలకు భక్తులను చేరవేసేందుకు పనిచేసే ట్యాక్సీ డ్రైవర్లకు పని లేకుండా పోయింది. 
 
మరోవైపు.. తిరుమలలో అష్టబంధన బాలాలయ మహాసంప్రోక్షణ క్రతువు వైభవంగా ప్రారంభమైంది. గర్భాలయంలోని స్వామివారి అంశను కలశంలోకి ఆవహించారు. ఆపై ఆలయ ప్రాంగణంలోని ఉపాలయాల్లో ఉన్న దేవతామూర్తుల శక్తులను కలశాల్లోకి ఆవహించి, వాటిని యాగశాలకు తరలించారు. ఇక సోమవారం యాగశాలలో కుంభానికి అర్చకులు ప్రత్యేక పూజలు నిర్వహించనున్నారు.


Widgets Magazine
Widgets Magazine

దీనిపై మరింత చదవండి :  

Loading comments ...

తెలుగు వార్తలు

news

నువ్వంటే నాకిష్టం.. నీ ఒపీనియన్‌ ఏమిటి?.. మహిళకు ఎస్.ఐ వేధింపులు

పోకిరీల నుంచి మహిళలకు రక్షణ కల్పించాల్సిన ఓ రక్షణ భటుడు కామాంధుడిగా మారిపోయాడు. ఓ మహిళను ...

news

ఫేస్‌బుక్ లైవ్‌లో పెళ్లి.. కులం పేరిట పెద్దలు అడ్డుపడటంతో..?

ప్రేమించుకున్నారు.. పెళ్లి చేసుకుంటామని పెద్దలతో చెప్పారు. కానీ అమ్మాయి తరపు పెద్దలు ...

news

ఎమ్మెల్యే వద్దు కౌన్సిలర్‌గా పోటీ చేస్తా : జేసీ ప్రభాకర్ రెడ్డి

సంచలనాలకు కేంద్ర బిందువుగా ఉండే జేసీ బ్రదర్స్‌లలో ఒకరైన జేసీ ప్రభాకర్ రెడ్డి కీలక ...

news

నల్గొండలో దారుణం... భర్తతో అక్రమ సంబంధం పెట్టుకుందని.. చితక్కొట్టింది..

నల్గొండ జిల్లాలో మహిళను కరెంట్ స్తంభానికి కట్టేసి చితక్కొట్టారు. ఇంతకీ ఆమె ఏం నేరం ...

Widgets Magazine