నల్ల మిరియాలను నేరుగా నోట్లో వేసుకుని చప్పరిస్తే..?
భారతీయ వంటకాల్లోని మసాలాలు రుచికోసమే కాకుండా వాటిలో ఆరోగ్య ప్రయోజనాలు కూడా ఉన్నాయి. నల్ల మిరియాలను మసాలాగానే కాకుండా వివిధ రూపాల్లో తీసుకోవడం వలన అవి క్యాలరీలు బర్న్ చేసి కొత్త ఫ్యాట్ సెల్స్ రాకుండా చూస్తాయని ఆరోగ్య నిపుణులు సూచిస్తున్నారు. నల్ల మిరియాల్లో విటమిన్ ఎ, సి, కె, మినరల్స్, ఫ్యాటీ యాసిడ్స్ వంటి ఖనిజాలు పుష్కలంగా ఉన్నాయి.
సాధారణంగా మిరియాలు ఘాటుగా ఉంటాయి. ఆ ఘాటును భరించగలం అనుకునేవాళ్లు ప్రతిరోజూ ఉదయం ఒకటీ రెండు నల్ల మిరియాలను నేరుగా నోట్లో వేసుకుని చప్పరించవచ్చు. ఇలా రోజూ క్రమంగా చేస్తుంటే శరీరంలోని మెటబాలిజం క్రమబద్ధం అవుతుంది. చల్లదనం కోసం చేసే సలాడ్స్‌పైన వీటిని చల్లాలి. దీనివలన సలాడ్ రుచితో పాటు ఆరోగ్యం కూడా బాగుంటుంది.
నల్ల మిరియాల పొడిని టీలో వేసుకుని తాగొచ్చును. గ్లాస్ నీటిలో ఒక చుక్క ఒరిజిన్ బ్లాక్ పెప్పర్ ఆయిల్‌ను వేసుకుని ఉదయం అల్పాహారానికి ముందు తాగితే బరువు తగ్గాలనుకునేవారికి ఫలితం కనిపిస్తుంది. ఈ ఆయిల్‌ను సలాడ్ డ్రెస్సింగ్‌గా కూడా వాడొచ్చు. ఇవి ఆరోగ్యకరమైన కొలెస్ట్రాల్‌ను పెంపొందించి, శరీరంలో కొత్త ఫ్యాట్ సెల్స్‌ను తగ్గిస్తాయి. అందుకే సన్నబడాలనుకునేవారు నల్ల మిరియాలను డైట్‌లో చేరిస్తే మంచిది.
