వైరస్ తో పోరాడే ఇంగువ.. ఒబిసిటీ పరార్
ఇంగువలో ఎన్నో ఆరోగ్య ప్రయోజనాలున్నాయి. వైరస్ తో ఇంగువ పోరాడుతుంది. ఒక గ్లాసు మజ్జిగలో ఇంగువ కలుపుకుని తాగడం వల్ల శరీరం చల్లబడుతుంది. అరటికాయలను వండేటప్పుడు ఇంగువతో పాటు ఉడికించినట్లయితే, ఇది గ్యాస్ ను నియంత్రిస్తుంది. ఇంగువ ఒబిసిటీని దూరం చేస్తుంది. జీర్ణక్రియకు సాయపడుతుంది.
మధుమేహాన్ని దూరం చేస్తుంది. శ‌రీర రోగ నిరోధ‌క శ‌క్తి పెరుగుతుంది. బ్రాంకైటిస్‌, ఆస్త‌మా, కోరింత ద‌గ్గు వంటి స‌మ‌స్య‌లు ఉన్న‌వారికి ఇంగువ ఎంత‌గానో మేలు చేస్తుంది. ఇంగువలో యాంటీ వైర‌ల్‌, యాంటీ బ‌యోటిక్‌, యాంటీ ఇన్‌ఫ్లామేట‌రీ గుణాలు ఉంటాయి.
అందువ‌ల్ల శ్వాస‌కోశ స‌మ‌స్య‌ల నుంచి విముక్తి క‌లుగుతుంది. శ‌రీరంలో అధికంగా ఉండే మ్యూక‌స్ క‌రుగుతుంది. దీంతోపాటు బాక్టీరియా ఇత‌ర సూక్ష్మ‌క్రిములు న‌శిస్తాయి. దంతాలు, చెవుల నొప్పి ఉన్న‌వారికి ఇంగువ ఎంత‌గానో మేలు చేస్తుంది. ఒక గ్లాస్ నీటిలో కొద్దిగా ఇంగువ‌ను క‌లిపి నోట్లో ఆ నీరు పోసి బాగా పుక్కిలిస్తే దంతాల నొప్పి త‌గ్గుతుంది.
ఇంగువ‌ను తీసుకోవ‌డం వల్ల స్త్రీల‌కు వారి అనారోగ్య స‌మ‌స్య‌లు రాకుండా ఉంటాయి. రుతు సమయంలో అధికంగా ర‌క్త‌స్రావం కాకుండా ఉంటుంది. అలాగే సంతాన లోపం, ముందుగానే ప్ర‌స‌వ నొప్పులు రావ‌డం వంటి స‌మ‌స్య‌లు ఉండ‌వని ఆరోగ్య నిపుణులు చెప్తున్నారు.
