నిమ్మ ఆకుల కషాయం తాగితే?
అత్యంత ఆరోగ్యకరమైన పండ్లలో నిమ్మకాయ ఒకటి. ఈ పండ్లు ఆరోగ్యంగా ఉండటమే కాకుండా, వీటి ఆకులు ఔషధంగా కూడా ఉపయోగపడుతాయి. నిమ్మ ఆకులు ఔషధంగా ఎలా ఉపయోగపడతాయో తెలుసుకుందాము. నిమ్మ ఆకులను సాంప్రదాయకంగా మూలికా ఔషధాలలో వివిధ రకాల ఇన్ఫెక్షన్లకు చికిత్స చేయడానికి, రోగనిరోధక శక్తిని పెంచడానికి ఉపయోగిస్తారు. నిమ్మ ఆకులకు వున్న ఔషధ గుణాలు కేన్సర్‌తో పోరాడటానికి సహాయపడతాయి.
శ్వాస కోశ, దగ్గు, జలుబు, గొంతు ఇన్ఫెక్షన్ తదితర సమస్యలకు గ్లాసు నీటిలో ఐదారు నిమ్మ ఆకులను వేసి మరిగించి ఆ కషాయాన్ని తాగితే ఉపశమనం లభిస్తుంది. నిమ్మ ఆకులు సహజ అనాల్జేసిక్‌గా పనిచేస్తాయి, వాపును తగ్గించేటప్పుడు కీళ్లనొప్పుల వల్ల కలిగే నొప్పిని తగ్గిస్తాయి. నిమ్మ ఆకులు మలబద్ధకాన్ని నిరోధించడంలో మేలు చేస్తాయి. బలమైన దంతాలు, ఎముకలు, కండరాల పనితీరును నిర్వహించడానికి కాల్షియం అవసరం. ఇవి నిమ్మలో వున్నాయి.
