ఉసిరి ముద్దకు పసుపు, నువ్వుల నూనె కలిపి శరీరానికి పట్టిస్తే?
దానిమ్మ పండుతో పోలిస్తే దాదాపు 27 రెట్లకు పైగా ఉసిరిలో పోషకాలు ఉన్నాయని నిపుణులు చెబుతున్నారు. ఉసిరిలో యాంటీవైరల్, యాంటీవైరల్, యాంటీమాక్రోబియల్ గుణాలు పుష్కలంగా ఉన్నాయి. ఇంకా ఉసిరితో కలిగే లాభాలు ఏమిటో తెలుసుకుందాము.
ఉసిరికాయ రక్తప్రసరణను మెరుగు పరిచి శరీరంలో అధికంగా పేరుకుపోయిన కొవ్వును కరిగించడానికి సహాయపడుతుంది. పురుషులకు కావలసినంత శక్తిని పెంపొందించడంలో ఉసిరి కీలక పాత్రను పోషిస్తుంది. హృద్రోగం, మధుమేహం రాకుండా ఉసిరి కాయలు కాపాడుతాయి.
మెదడు పనితీరు మెరుగు పరిచి జ్ఞాపకశక్తిని పెంచుతుంది, ఉసిరిలో ఉన్న విటమిన్ సి శరీరానికి మేలు చేస్తుంది.
జుట్టుకు సరైన పోషణను అందిస్తుంది. చుండ్రు కేశ సంబంధిత అనేక సమస్యలకు ఉసిరి ఎంతగానో ఉపయోగపడుతుంది. ఉసిరిని తీసుకోవడం వల్ల చర్మంపై మచ్చలను, వయసు మీద పడటం వల్ల వచ్చే ముడతలను నివారించుకోవచ్చు. ఉసిరిని ముద్దగా నూరి అందులో కొద్దిగా పసుపు, నువ్వుల నూనె కలిపి శరీరానికి పట్టించి స్నానం చేస్తే చర్మం సహజ సౌందర్యంతో మెరుస్తూ ఉంటుంది.
రాత్రి భోజనం అనంతరం ఒక స్పూన్ ఉసిరి పొడిలో తేనెను కలిపి తీసుకుంటే ఎసిడిటీ నుండి శాశ్వతంగా విముక్తి పొందవచ్చు.
