శుక్రవారం, 29 మార్చి 2024
  1. ఇతరాలు
  2. ఆరోగ్యం
  3. కథనాలు
Written By
Last Updated : బుధవారం, 7 నవంబరు 2018 (12:17 IST)

ప్రతి రోజూ గుడ్డు ఎందుకు తినాలంటే...

పోషకాల నిలయం గుడ్డు. ప్రతి పేదోడుకి కూడా పుష్కలంగా పోషకాలు అందించేది గుడ్డు. అలాంటి గుడ్డులో మాంసకృత్తులు (ప్రోటీన్‌), అత్యవసరమైన 9 అమైనో ఆమ్లాలు, బి కాంప్లెక్స్‌ విటమిన్లు, డి విటమిన్‌, ఖనిజాలు దండిగా ఉంటాయి. 
 
కానీ, ప్రతి రోజూ ఒక గుడ్డును తినడం వల్ల బరువు పెరుగుతుందని చాలా మందిలో ఓ అపోహ ఉంది. దీనికి కారణం పచ్చసొనలోని కొలెస్ట్రాలే. 
 
అయితే గుడ్డులో కొలెస్ట్రాల్‌ స్థాయులు ఎక్కువగా ఉన్నప్పటికీ.. దీంతో రక్తంలో కొలెస్ట్రాల్‌ మోతాదులు అంత ఎక్కువగా ఏమీ పెరగటం లేదని అధ్యయనాలు చెబుతున్నాయి. 
 
ఇందులో కేలరీలు తక్కువ. పైగా చాలాసేపటి వరకు కడుపు నిండిన భావన కలిగిస్తుంది. ఫలితంగా త్వరగా ఆకలి వేయదు. ఇలా ఇది పరోక్షంగా బరువు తగ్గటానికీ తోడ్పడుతుందన్నమాట. 
 
* కణాల పనితీరు, వాటి ఎదుగుదల, శక్తిని అందించటంతో పాటు శరీరంలో జరిగే పలు జీవక్రియలకు అవసరమైన పోషకాలు గుడ్డుతో లభిస్తాయి. 
* రోజుకు ఒక గుడ్డు తినేవారిలో పక్షవాతం ముప్పు 12 శాతం వరకు తగ్గుతున్నట్టు ఒక పరిశోధనలో వెల్లడైంది.
* ముఖ్యంగా గుడ్డులోని పచ్చసొనలోని ఐరన్‌ మన శరీరం తేలికగా గ్రహించటానికి అనువుగానూ ఉంటుంది. 
* గుడ్డులోని ల్యూటీన్‌ అనే యాంటీ ఆక్సిడెంట్స్ కంటి జబ్బుల ముప్పు తగ్గటానికి తోడ్పడుతుంది. 
* వృద్ధాప్యంలో మెదడు ఆరోగ్యంగా ఉండటానికీ ఇది దోహదం చేస్తుంది.