తెలుగమ్మాయిని ఓడించేందుకు రూ.65 కోట్లు ఖర్చు.. ఎక్కడ?

మంగళవారం, 26 జూన్ 2018 (08:59 IST)

Aruna Miller

అమెరికా దిగువ సభకు ఓ తెలుగు అమ్మాయి ఎన్నికకానున్నారు. అదీ కూడా కృష్ణా జిల్లా విజయవాడకు చెందిన అమ్మాయి. ఈమె వయసు 53 యేళ్లు. వాషింగ్టన్ డీసీలోని మేరీలాండ్ నుంచి అరుణ ప్రతినిధుల సభకు బరిలోగి దిగారు. మంగళవారం జరిగే ప్రాథమిక ఎంపికలో ఆమె గెలుపు ఖాయమని ఆమె మద్దతుదారులు ధీమా వ్యక్తం చేస్తున్నారు.
 
ఇదిలావుంటే, కృష్ణా జిల్లాలో పుట్టిన ఈ తెలుగమ్మాయి తండ్రి కాట్రగడ్డ వెంకట రామారావు ఓ మెకానికల్ ఇంజనీర్. ఈయనకు ఐబీఎంలో ఉద్యోగం రావడంతో భార్యాపిల్లలను తీసుకుని 1972లోనే అమెరికా వెళ్లి అక్కడే సెటిలైపోయారు. అప్పుడు అరుణ వయసు ఏడేళ్లు. మేరీల్యాండ్‌‌లోని డెమొక్రాట్ల కంచుకోట అయిన ఆరో జిల్లా ప్రైమరీకి ఆమె పోటీలో ఉన్నారు.
 
ఆమె ప్రత్యర్థి డేవిడ్‌ ట్రోన్‌. ఈయనో సంపన్న వ్యాపారవేత్త. తన గెలుపు కోసం ఆయన దాదాపు రూ.65 కోట్లు ఖర్చు చేశారు. అదంతా ఆయన స్వయంగా ఆర్జించిన సొమ్ము. ఈ ఎన్నికల కోసం అరుణ కేవలం రూ.9 కోట్లు ఖర్చుపెట్టారు. ఇదంతా విరాళాల రూపంలో సేకరించినదీ, స్నేహితులు సమకూర్చినది కావడం గమనార్హం. 
 
అరుణ - ట్రోన్‌ల పోటీపై అమెరికా అంతటా విస్తృత చర్చ జరుగుతోంది. ఆమె విజయం దాదాపుగా ఖరారేనని అనేక అమెరికన్‌ పత్రికలు రాస్తున్నా 26న జరిగే ఎన్నికల తర్వాతగానీ తుది ఫలితం వెల్లడికాదు. 1990లోనే మౌంటెగ్మేరీ కౌంటీలో మేరీల్యాండ్‌ వెళ్లిన ఆమె - కాలేజీలో తాను ప్రేమించిన డేవిడ్‌ మిల్లర్‌ను వివాహం చేసుకున్నారు. 2004లో డెమొక్రటిక్‌ పార్టీలో చేరి అంచెలంచెలుగా ఎదిగారు. సెర్వింగ్‌ అవర్‌ కమ్యూనిటీస్‌ అనే సంస్థను పెట్టి వివిధ రంగాల్లో వలంటీర్ల ద్వారా సేవా కార్యక్రమాలు నిర్వహిస్తున్నారు. 



దీనిపై మరింత చదవండి :  

Loading comments ...

తెలుగు వార్తలు

news

వాడు పెట్టే భిక్ష నాకు అవసరం లేదు... వైసీపిలో 'జేసీ' టైపు నేత...

తెలుగుదేశం పార్టీలో జెసి దివాకర్ రెడ్డి తరహాలో వైఎస్ ఆర్ కాంగ్రెస్ పార్టీలోను మరో నేత తెగ ...

news

పోలీసు అయితే ఏం చేస్తారు...? నా వెంట్రుక కూడా పీకలేరు...

పోలీసు అయితే ఏం చేస్తారు...? నా వెంట్రుక కూడా పీకలేరు... చెప్పుతో కొడతా... ఇక్కడే ...

news

గాలి జనార్ధన్ రెడ్డి, జగన్‌లకు లబ్ధి చేకూర్చడమే కేంద్రం లక్ష్యం...

అమరావతి : కడపలో ఉక్కు పరిశ్రమ ఏర్పాటులో భారతీయ జనతా పార్టీ(బీజేపీ) సీనియర్ నాయకుడు గాలి ...

news

చంద్రబాబు ఇలా చేస్తారని అనుకోలేదు : పవన్ కళ్యాణ్

ప్రజలకు మంచి పరిపాలన వస్తుందనే ఉద్దేశంతో గత ఎన్నికల్లో టీడీపీకి పార్టీకి మద్దతిచ్చానని, ...