భార్య ప్రేమను పరీక్షించాలని భర్త ఏమి చేసాడో తెలుసా..?

couple
మోహన్ మొగరాల| Last Modified శుక్రవారం, 15 మార్చి 2019 (15:09 IST)
సాధారణంగా ప్రేయసిపై ఎంత ప్రేమ ఉందో తెలుసుకోవడానికి రద్దీగా ఉండే రోడ్డు మధ్యలో హీరో నిల్చున్న దృశ్యాలను మనం సినిమాల్లో చూస్తూనే ఉంటాం. అలాంటి ఓ సన్నివేశం ఇప్పుడు నిజజీవితంలోనూ జరిగింది. చైనాలోని ఝెజియాంగ్ ప్రావిన్స్‌లోని లిషుయ్‌లో పాన్ అనే ఓ వ్యక్తి తాగిన మత్తులో ఈ పని చేసాడు. భార్యతో గొడవపడి ఇంటి నుండి బయటకు వెళ్లాడు.

పీకలదాకా మద్యం తాగి భార్యకు ఫోన్ చేసాడు. ఆ తర్వాత ఇద్దరూ రోడ్డుపైనే కాసేపు తిట్టుకున్న తర్వాత పాన్ వెళ్లి బిజీ రోడ్డు మధ్యలో నిలబడ్డాడు. భార్య అతడిని ఎంత లాగడానికి ప్రయత్నించినా.. మొండిగా అక్కడే నిలబడ్డాడు. ఈ క్రమంలో వేగంగా వెళ్తున్న వ్యాన్ వచ్చి అతడిని ఢీకొట్టింది. ఈ ప్రమాదంలో పాన్ తలకు, ఛాతికి తీవ్రగాయాలయ్యాయి. చివరకు ఆస్పత్రి పాలయ్యాడు.

భార్యకు తనపై ప్రేమ ఉందో లేదో తెలుసుకుందామని ఇలా చేసానని, చివరకి ఇలా జరిగిందని ఆస్పత్రి బెడ్‌పై చికిత్స పొందుతున్న పాన్ వాపోయాడు.



దీనిపై మరింత చదవండి :