రైలులో పాము-కొట్టి చంపిన యువకుడు (video)
రైలులోకి పాము ప్రవేశించింది. అంతే ప్రయాణీకులందరూ జడుసుకుంటున్నారు. ఆ పాము గురించి రైల్వే అధికారులకు సమాచారం ఇచ్చేలోపే.. ఓ యువకుడు దాని తోకపట్టుకుని లాగి.. ఒక్కసారిగా కింద కొట్టి చంపేశాడు. ఈ ఘటనకు సంబ
రైలులోకి పాము ప్రవేశించింది. అంతే ప్రయాణీకులందరూ జడుసుకుంటున్నారు. ఆ పాము గురించి రైల్వే అధికారులకు సమాచారం ఇచ్చేలోపే.. ఓ యువకుడు దాని తోకపట్టుకుని లాగి.. ఒక్కసారిగా కింద కొట్టి చంపేశాడు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. వివరాల్లోకి వెళితే.. ఇండోనేషియాలో బోగోర్ నుంచి జ‌కార్తా వెళ్తున్న ఓ లోక‌ల్ ట్రైన్‌లో పాము వచ్చింది.
రైల్లోకి ఈ పాము ఎవ‌రో ఒక ప్ర‌యాణికుడి బ్యాగు నుంచే వ‌చ్చి ఉంటుంద‌ని రైల్వే అధికారులు అభిప్రాయపడుతున్నారు. బ్యాగులు పెట్టుకునే చోట నక్కిన పామును వెనక బ్యాగు తగిలించుకున్న యువకుడు కొట్టి చంపేశాడు. ఇండోనేషియాలో ప్ర‌జార‌వాణాలో జంతువుల‌ను తీసుకెళ్ల‌డంపై నిషేధం ఉన్నప్పటికీ ఆ పామును రైలులోకి ఎవరు తెచ్చారు.. ఎలా వచ్చిందనే దానిపై అధికారులు ఆరా తీస్తున్నారు.
జకార్తాలోని బోగర్ ప్రాంతం నుంచి రాజధానికి ప్రయాణించే రైలులో ఈ ఘటన జరిగింది. సెక్యూరిటీ సిబ్బంది పామును చూస జడుసుకుని పక్కన నిలబడితే ఓ యువకుడు దాన్ని సులువుగా తోకపట్టుకుని నేలకేసి కొట్టి చంపేశాడు. ఈ ఘటనకు సంబంధించిన వీడియో ప్రస్తుతం వైరల్ అవుతోంది. ఈ వీడియోకు 174.4కె వ్యూస్ వచ్చాయి. అలాగే 3,587 కామెంట్స్ నమోదైనాయి. ఈ వీడియోను మీరూ ఓ లుక్కేయండి.
