Widgets Magazine

రక్తమోడుతున్న సిరియా.. గజగజ వణుకుతున్న గౌటా

గురువారం, 1 మార్చి 2018 (10:26 IST)

Widgets Magazine
syria

సిరియా నగరం రక్తమోడుతోంది. గౌటా పట్టణం గజగజ వణికిపోతోంది. ప్రభుత్వ దళాల దాడులతో గౌటా నగరం శవాలదిబ్బగా మారింది. అలాగే, గత 8 రోజులుగా నగరంలో రక్తం ఏరులైపారుతోంది. పౌరుల్లో కలిసిపోయిన ఉగ్రవాదులను ఏరివేసేందుకు ప్రభుత్వ దళాలు బాంబులతో విరుచుకుపడుతున్నాయి. వైమానికదాడుల్లో వందలాది ఇళ్లు నేలమట్టమయ్యాయి. ఈ దాడుల్లో ఇప్పటివరకు కనీసం 750 మంది పైచిలుకు ప్రాణాలు కోల్పోయాలు. వందలాది మంది చిన్నారులు తమ తల్లిదండ్రుల నుంచి దూరమయ్యారు. మృతుల్లో ఎక్కువ మంది ముక్కుపచ్చలారని చిన్నారులు, మహిళలు ఉన్నారు.
 
నిజానికి ఇక్కడ నెల రోజులపాటు కాల్పుల విరమణ పాటించాలని ఐక్యరాజ్య సమితి భద్రతా మండలి తిరుగుబాటు దళాలు, సైన్యానికి సూచించింది. రష్యా - సిరియా బలగాలు దానిని తోసి రాజంటూ వైమానిక దాడులతో విరుచుకుపడుతున్నాయి. ప్రస్తుత సిరియా పరిస్థితిపై అంతర్జాతీయ సమాజం తీవ్ర ఆందోళన వ్యక్తంచేస్తోంది.
 
వాస్తవానికి గౌటా గత ఐదేళ్లుగా ప్రభుత్వ బలగాల అధీనంలోనే ఉంది. అయితే రష్యా, సిరియా దాడులతో బిక్కచచ్చిపోయిన ఉగ్రవాదులు నగరంలోకి చొచ్చుకొచ్చి పౌరుల్లో కలిసిపోయారు. దీంతో పరిస్థితి మరింత విషమించింది. ఇక ఇక్కడి ప్రజల పరిస్థితి ముందు నుయ్యి, వెనక గొయ్యి చందాన తయారైంది. ఓ వైపు మిలిటెంట్లు, మరోవైపు ప్రభుత్వ బలగాల దాడులతో నలిగిపోతున్నారు. 
 
ఇదిలావుండగా, సిరియాలో ఇస్లామిక్‌స్టేట్ (ఐఎస్) ఉగ్ర వాదులకు పట్టున్న ఆఖరు గ్రామం అల్ షాఫా గ్రామంపై అమెరికా సంకీర్ణదళాలు విరుచుకుపడ్డాయి. ఇటీవల వాయుసేనల దాడుల్లో 25 మంది పౌరులు మరణించారు. సరిహద్దులోని ఐఎస్ నేత అల్బు కమల్ కంచుకోట అల్-షాఫా గ్రామంపై బాంబుల వర్షం కురిసిందని బ్రిటన్‌కు చెందిన మానవ హక్కుల పరిశీలకుడు రామి అబ్దెల్ రహమాన్ తెలిపారు. 



Widgets Magazine
Widgets Magazine
Widgets Magazine
దీనిపై మరింత చదవండి :  

Loading comments ...

తెలుగు వార్తలు

news

ఆన్‌లైన్లో అమ్మకానికి రెండు తలల పాము... ఎందుకో తెలుసా?

ఆన్‌లైన్లో అమ్మకానికి పెట్టిన రెండు తలల పామును(Red Sand Boa), ఇద్దరు వ్యక్తులను అటవీశాఖ ...

news

నైపుణ్య శిక్షణ, ముద్రపై ప్రధాని సమీక్ష... కాన్ఫరెన్సులో ఏపీ సీఎస్

అమరావతి: ప్రగతి కార్యక్రమంలో భాగంగా బుధవారం సాయంత్రం ప్రధాన మంత్రి నరేంద్ర మోదీ ...

news

తెలంగాణ టీడీపీ అధ్యక్షుడిగా జూనియర్ ఎన్టీఆర్.. కేడర్ డిమాండ్

స్వర్గీయ ఎన్టీఆర్ స్థాపించిన తెలుగుదేశం పార్టీ ప్రస్తుతం ఏపీ ముఖ్యమంత్రి నారా చంద్రబాబు ...

news

భార్య.. ముగ్గురు పిల్లలున్న కామాంధుడు ఫ్రెండ్ చెల్లిని చెరబట్టి రేప్

వివాహమై భార్య, ముగ్గురు పిల్లలు ఉన్న ఓ కామాంధుడు బాల్య స్నేహితుడి చెల్లెలిని చెరబట్టి ఆపై ...