భార్య బండారాన్ని భర్త అలా బయటపెట్టాడు..

Last Updated: శనివారం, 29 డిశెంబరు 2018 (11:43 IST)
వివాహేతర సంబంధాలు పెరిగిపోతున్నాయి. స్మార్ట్‌ఫోన్లు, సోషల్ మీడియాల ప్రభావంతో అక్రమ సంబంధాలు పెచ్చరిల్లిపోతున్నాయి. భార్యాభర్తల అనుబంధాలు కనుమరుగవుతున్నాయి. వివాహేతర సంబంధాలతో మానవీయ విలువలు మంటగలిసిపోతున్నాయి. తాజాగా తనను మోసం చేసి.. మరో వ్యక్తితో అక్రమ సంబంధం పెట్టుకున్న భార్యకు షాక్ ఇచ్చాడు. 
 
ఈ ఘటన బీహార్‌లోని గోపాల్ గంజ్‌లో చోటుచేసుకుంది. వివరాల్లోకి వెళితే.. మహారాదేవుర్ గ్రామానికి చెందిన ఓ యువతికి 2018లో బగ్హవా గ్రామానికి చెందిన వ్యక్తితో వివాహమైంది. భర్త, ఇతర కుటుంబ సభ్యులు ప్రతిరోజూ పొలం పనుల మీద వెళ్లిపోయేవారు. 
 
ఒకరోజు భర్త మధ్యాహ్నం ఇంటికి వచ్చాడు. ఈ సమయంలో వేరొక వ్యక్తితో అభ్యంతరకర స్థితిలో ఉండటాన్ని చూశాడు. దీంతో ఇంటి తలుపులు బయటినుంచి వేసి, చుట్టుపక్కలవారిని పిలిపించి ఈ విషయం చెప్పాడు. అందరూ ఆ యువకుడిని ప్రశ్నించగా.. తాము ఎప్పటి నుంచో ప్రేమించుకుంటున్నామని తెలిపాడు. ఈ వ్యవహారంపై పోలీసులు రంగంలోకి విచారణ జరుపుతున్నారు. 



దీనిపై మరింత చదవండి :