హనీప్రీత్ సింగ్ దొరకలేదట..
అత్యాచారం కేసులో దోషిగా తేలిన డేరా సచ్చా సౌధా అధిపతి గుర్మీత్‌ రామ్ రహీమ్‌ సింగ్‌కు సీబీఐ కోర్టు 20 ఏళ్ల జైలు శిక్ష ఖరారు చేసిన సంగతి తెలిసిందే. రామ్‌రహీం జైలుకు వెళ్లిన తరువాత బాబా ప్రధాన సహచరి హనీప
అత్యాచారం కేసులో దోషిగా తేలిన డేరా సచ్చా సౌధా అధిపతి గుర్మీత్‌ రామ్ రహీమ్‌ సింగ్‌కు సీబీఐ కోర్టు 20 ఏళ్ల జైలు శిక్ష ఖరారు చేసిన సంగతి తెలిసిందే. రామ్‌రహీం జైలుకు వెళ్లిన తరువాత బాబా ప్రధాన సహచరి హనీప్రీత్ కోసం పోలీసులు ముమ్మర గాలింపు చర్యలు చేపట్టారు. ఈ నేపథ్యంలో తాజాగా నేపాల్ పోలీసులు హనీప్రీత్ పోలికలు కలిగిన ఒక యువతిని అదుపులోకి తీసుకుని విచారణ చేసి తరువాత విడిచిపెట్టేశారు.
నేపాల్‌లోని ధరానా వార్డు 13లోగల సెవారో సెకువా కార్నర్‌లో ఇండియన్ నెంబర్ కలిగిన లగ్జరీ వాహనంలో హనీప్రీత్ పోలికలు కలిగిన ఒక యువతి పోలీసుల కంటపడింది. దీంతో ఆమెను అదుపులోకి తీసుకుని ప్రశ్నించారు. ఈ నేపథ్యంలో హనీప్రీత్ ఆచూకీ లభ్యమైందని వార్తలు వచ్చాయి.
అయితే పోలీసుల విచారణలో ఆమె హనీప్రీత్ సింగ్ కాదని తేలింది. కాగా పోలీసులు ఆమె వివరాలను గోప్యంగా ఉంచారు. అయితే ఆమె బీహార్‌లోని పాట్నాకు చెందిన యువతి అని, ఫ్యామిలీతో నేపాల్‌ను దర్శించేందుకు వచ్చిందని పోలీసుల విచారణలో వెల్లడి అయ్యింది.
